Uppskeruhátíð skólagarðanna var haldin sl. laugardag

20.09.2017
Uppskeruhátíð skólagarðanna var haldin sl. laugardag
Uppskeruhátíð í skólagörðunum

Laugardaginn 16. september var uppskeruhátíð skólagarða Garðabæjar haldin í mildu haustveðri. Börn sem verið hafa með garð í skólagörðunum í sumar mættu ásamt fjölskyldum sínum og unnu saman að því að stinga kartöflur og grænmeti upp úr görðunum. Uppskera sumarsins var góð hjá flestum.  Eldri borgurum í Garðabæ bauðst að leigja sér garð viku eftir að görðunum var úthlutað til barnanna og var ánægjulegt að nokkrir eldri borgarar nýttu sér þennan möguleika.

Starfsfólk skólagarðanna grilluðu pylsur á hátíðinni, heitt kaffi var á könnunni og börnin fengu viðurkenningarskjöl fyrir þáttöku í skólagörðunum í sumar.  Hér að neðan má sjá nokkrar myndir frá uppskeruhátíðinni.

Myndir með frétt

Til baka