Vináttuganga - lýðheilsuganga frá Ásgarði kl. 18

13.09.2017
Vináttuganga - lýðheilsuganga frá Ásgarði kl. 18
Íþróttamiðstöðin Ásgarður

Garðabær tekur þátt í verkefni Ferðafélags Íslands um lýðheilsugöngur í september og býður upp á göngur alla miðvikudaga í september.  Fyrsta gangan var farin miðvikudaginn 6. sept en þá var haldið í hressingargöngu um Sjálandshverfið.  Framundan eru göngur 13., 20. og 27. september en allar göngur hefjast kl. 18:00. 

Viðburður á facebook.

 Vinátta – gengið frá Ásgarði 13. september kl. 18 – taktu með þér vin!

Vinátta er þema næstu göngu sem haldið verður í miðvikudaginn 13. september nk. kl. 18:00. Göngustjóri verður Svandís Ríkharðsdóttir.  Gengið verður frá íþróttamiðstöðinni Ásgarði um klukkutíma hring, létt og þægileg ganga fyrir alla aldurshópa.  Þátttakendur í göngunni eru hvattir til að taka með sér vin í gönguna og gjarnan að reyna draga einhvern með sér sem fer að öllu jöfnu ekki oft í göngur.  Allir eru velkomnir í gönguna en tilgangurinn með verkefninu er að hvetja fólk á öllum aldri til útivistar og hreyfingar í góðum félagsskap og efla þar með heilsu sína og lífsgæði. 

Sögu- og náttúrugöngur síðari hluta september

Miðvikudaginn 20. september kl. 18 verður farið í göngu undir þemanu saga.  Pétur Ármansson leiðir þá göngu frá Bjarnastöðum þar sem sagt verður frá sögu merkra húsa á Álftanesi.  Síðasta gangan í september verður miðvikudaginn 27. september en þá verður haldið í göngu undir þemanu náttúra í Heiðmörk þar sem gengið verður að Selholti undir leiðsögn Ragnheiðar Traustadóttur fornleifafræðings.
Göngurnar eru um leið áframhald sögu- og fræðslugangna sem hafa verið í boði á þessu ári og undanförnu ári í Garðabæ og hafa verið vel sóttar af almenningi.  

Allar upplýsingar um göngustaði og gönguleiðir annars staðar á landinu má finna á vef verkefnisins www.fi.is/lydheilsa . 

 
Til baka