Þýskt aðventukvöld í Vídalínskirkju kl. 19:30

08.12.2017
Þýskt aðventukvöld í Vídalínskirkju kl. 19:30
Þýskt aðventukvöld í Vídalínskirkju

Þýskt aðventukvöld til styrktar Landsbjörg í Vídalínskirkju

Föstudaginn 8. desember 2017 klukkan 19:30 verða haldnir aðventutónleikar í Vídalínskirkju í Garðabæ á vegum þýska sendiráðsins til styrktar Landsbjörg en þetta er í fjórða sinn sem sendiherra þýskalands býður til slíkra tónleika til að styðja við þeirra mikilvæga starf.

Á þessu ári mun Sigrún Hjálmtýsdóttir, betur þekkt sem Diddú, leiða okkur í gegnum tónleikana. Með henni leika Anna Guðný Guðmundsdóttir á píanó, orgelleikarinn Jóhann Baldvinsson og blásarasextett sem skipaður er klarínettuleikurunum Sigurði Snorrasyni og Kjartani Óskarssyni, hornleikurunum Emil Friðfinnssyni og Þorkeli Jóelssyni og fagottleikurunum Brjáni Ingasyni og Birni Árnasyni. Sextettinn hefur starfað með Diddú í ríflega 20 ár og gengur hópurinn undir nafninu Diddú og drengirnir. Þessi dáða söngkona mun syngja fyrir- og með okkur þekkt þýsk jólalög og einnig munu alþjóðlegir jólatónar hljóma.
Aðgangur er ókeypis en tekið er við frjálsum framlögum.

Viðburður á fésbókarsíðu Vídalínskirkju.

Til baka