Hönnunarsafn Íslands - íslenska lopapeysan - leiðsögn kl. 16

13.01.2018
Hönnunarsafn Íslands - íslenska lopapeysan  - leiðsögn kl. 16
Íslenska lopapeysan - Hönnunarsafn Íslands

Hönnunarsafn Íslands - íslenska lopapeysan - leiðsögn

Ef þú vilt vita allt um íslensku lopapeysuna þá verður Ásdís Jóelsdóttir með leiðsögn um sýninguna Íslenska lopapeysan – uppruni, saga og hönnun, laugardaginn 13 janúar kl. 16.00 og þriðjudaginn 23. janúar kl. 16. 
Ásdís er lektor við Háskóla Íslands og gaf út samnefnda bók rétt fyrir áramót sem sýningin byggir á.       
                                                               
Íslenska lopapeysan þróaðist frá því að vera vinnufatnaður sem nýttist aðallega við erfið útistörf í það að verða að þjóðlegri minjavöru og vinsælli tískuvöru. Þannig endurspeglar peysan lífshætti og sögu þjóðar. Engin ein prjónakona „hannaði“ peysuna heldur hefur útlit hennar og gerð tengst mörgum áhrifavöldum og ekki síst því að hún þurfti að vera fljótprjónuð. Íslenskar prjónakonur hafa átt veg og vanda af þessari þróun. Þjálfun og reynsla, formskynjun í munsturgerð, næmni fyrir litum og litasamsetningum ásamt ánægjunni af því að prjóna hefur verið undirstaða í hönnun lopapeysunnar.

Hönnuður sýningarinnar er Auður Ösp Guðmundsdóttir. 
Sýningin er farandsýning og er samstarfsverkefni Hönnunarsafns Íslands, Heimilisiðnaðarsafnsins og Gljúfrasteins.

Hönnunarsafn Íslands, Garðatorgi 1 er opið alla daga nema mánudaga frá 12 – 17.

Fylgist með upplýsingum um fræðslu og viðburði á Facebook og á vef safnsins www.honnunarsafn.is


 

 

Til baka