04.06.2009
Ókeypis námskeið fyrir börn
MANNÚÐ OG MENNING
Garðabæjardeild Rauða kross Íslands býður upp á ókeypis námskeið í sumar fyrir börn á aldrinum 10-12 ára. Námskeiðið er haldið að Hrísmóum 4, Garðatorgi í Garðabæ.
Á námskeiðinu er lögð áhersla á fræðslu og leiki í tengslum við hugsjónir Rauða krossins um mannúð og óhlutdrægni. Þátttakendur fræðast um Rauða kross starf, skyndihjálp, mismunandi menningarheima og umhverfið.
Meðal efnis á námskeiðinu er: undirstöðuatriði skyndihjálpar, umhverfismál, skapandi leikir, saga og starf Rauða krossins, fjölmenningarlegt samfélag og uppskeruhátíð.
Námskeiðið er haldið 10-14. ágúst frá kl. 09 - 16.
Sjá nánari upplýsingar um námskeiðið hér á heimasíðu Garðabæjar.