E- taflan
E taflan
síða 1- skoða
síða 2 - skoða
Einkenni
Þreyta, hungur- og þorstatilfinning eykst, líkamshiti hækkar.
Gefið gaum að
Neytt í töfluformi, oft skrautlegar töflur í litum og í formi ýmisra mynda s.s. playboy kanínu. Ofvirkni í vímu, snöggt þunglyndi eftir vímu.
Hætta
Hætta á slæmum krampaflogum, truflanir á blóðþrýstingi og/eða æðakerfi. Hætta á varanlegum nýrnaskemmdum og heilablæðingum og ofsóknarkennd. Þar sem yfirleitt er mikið að aukaefnum í E töflum þá veit barnið ekkert hvað það hefur verið að taka inn, td rottueitur og þvottaefni
Hvað er til ráða
Ræða við barnið og taka stöðu barnsins heima, í skóla og í frítíma. Fara vel yfir hegðunarmunstur og þar sem að E taflan er yfirleitt partý dóp - þá er mikilvægt að hafa eftirlit með skemmtanahaldi barnsins.
Taka eiturprufu af barninu - sem fást í apótekum. Erfitt getur verið að fá jákvætt sýni þar sem að barnið losar sig við efnið fljótt - yfirleitt á innan við einum sólarhring. Mikilvægt er að standa yfir barni þegar það pissar í prufuglasið vegna þess að það er auðvelt að skemma prufur þannig að ekkert sjáist.
Ef prufan er jákvæð þá á að hafa samband við unglingaráðgjafa hjá Fjölskyldusviði til að fá frekari ráðleggingar. Einnig er hægt að leita til unglingadeildar SÁÁ og sjálfstætt starfandi sérfræðinga sem vinna með vímuefnavanda barna.