Lausar lóðir í Garðabæ

Auglýsing lóða

Í öllum tilvikum sem lóðir á vegum Garðabæjar eru til úthlutunar verða þær auglýstar á vef Garðabæjar og/eða á annan áberandi hátt.

Urriðaholt

Á vegum Garðabæjar eru ekki til úthlutunar lóðir fyrir íbúðarhús en í bæjarfélaginu á sér stað uppbygging byggðar í Urriðaholti.  
Að undanförnu hefur verið mest uppbygging á fjölbýlishúsum en i undirbúningi er að hefja uppbyggingu á svæði fyrir einbýlishúsalóðir. Varðandi nánari upplýsingar er vísað á Urriðaholt ehf. – vefsíða: www.urridaholt.is 

Akrahverfi

Í Akrahverfi á sér stað uppbygging á vegum verktaka á fjölbýlis- og raðhúsum við Breiðakur og Byggakur.   Þá eru í Akrahverfi óbyggðar einbýlishúsalóðir í eigu einkaðila.

Á döfinni

Prýðahverfi

Samkvæmt skipulagi sem gildir fyrir Prýðahverfi er gert ráð fyrir viðbótarlóðum á svæði milli Gamla Álftanesvegar og norðurbæjar Hafnarfjarðar.  Í undirbúningi er að auglýsa þrjár lausar lóðir í eigu bæjarins á svæðinu við götu sem heitir Garðprýði.

Garðahverfi

Í undirbúningi er að auglýsa lóðir í Garðahverfi en þar er gert ráð fyrir einu til tveimur viðbótarhúsum við bæjartorfurnar á svæðinu.  Í fyrstu verða auglýstar lóðir við Holt og á svæði þar sem áður var Háteigur.

Álftanes

Í undirbúning er að hefja vinnu við nýtt deiliskipulag fyrir miðsvæði Álftaness og má gera ráð fyrir að svæðið geti að hluta verið byggingarhæft á árinu 2018.  Þá er í undirbúning að hefja sölu á lóðum við Sveinskot en þar er um að ræða alls 15 lóðir í eigu Íslandsbanka.

Hnoðraholt – Vífilsstaðir

Samþykkt hefur verið að efna til samkeppni um rammaskipulag Hnoðraholts og Vífilsstaða og er stefnt að því að auglýsa keppnislýsingu í september 2017.  Gera má ráð fyrir að niðurstaða geti legið fyrir í lok árs 2017.  Fyrsti áfangi deiliskipulags fyrir hluta svæðis á Hnoðraholti getur verið tilbúin fyrrihluta árs 2018 og í framhaldinu verða lóðir auglýstar til úthlutunar.