WAPP - Gönguleiðir í leiðsagnarappi

Garðabær og Wapp - Walking app hafa samstarf um birtingu göngu-, hjóla- og hlaupaleiða í Garðabæ í leiðsagnarappinu Wappinu. 

Gönguleiðin um Fógetastíg í wappinu

Leiðir í Garðabæ

Fimm gönguleiðir í Garðabæ eru í wappinu.

  • Vífilsstaðavatn og Gunnhildur
  • Fógetastígur í Gálgahrauni
  • Búrfellsgjá
  • Bessastaðanes
  • Hraunstígur Garðabæ

Einnig eru í wappinu fjórar hlaupaleiðir í Garðabæ, þar af tvær á Álftanesi sem eru frá fimm og upp í 10 kílómetra langar og tvær hjólaleiðir 15 og 16 km langar, sú lengri á Álftanesi.

Í boði Garðabæjar

Athugið allar leiðirnar í Garðabæ eru í boði Garðabæjar. Smellt er á "kort" þegar leiðin hefur verið opnuð og á "já" við spurningunni "Viltu kaupa þessa ferð?" Leiðin kemur þá upp endurgjaldlaust.

Leiðirnar eru með kortum, gps hnitum, ljósmyndum og upplýsingum á íslensku og ensku og verða notendum að kostnaðarlausu til næstu tveggja ára (fram á mitt ár 2018). 

Vonast er til að þetta samstarf auðveldi íbúum Garðabæjar sem og öðrum að nálgast upplýsingar um áhugaverðar gönguleiðir, sögulegan fróðleik um menningarminjar og útivistarmöguleika í landi Garðabæjar og hvetji til aukinnar hreyfingar og útiveru.  Sjá frétt frá 3. júní 2016.

Söguleiðir og hreyfileiðir

Leiðirnar í wappinu eru tvenns konar, þ.e. söguleiðir og hreyfileiðir.  

Söguleiðir eru leiðir með leiðsögn þar sem upplýsingapunktar á réttum stöðum veita upplýsingar í texta og mynd. Upplýsingarnar snerta það sem ástæða þykir til að segja frá í náttúru og umhverfi, úr þjóðsögum eða af lífi fólks á svæðinu fyrr og nú.

Hreyfileiðirnar innihalda minniháttar upplýsingar um umhverfi en þó er fjallað um svæðið í inngangi og þess getið hvort eitthvað sérstakt þurfi að hafa í huga á leiðinni, t.d geta aðstæður verið mismunandi eftir árstíðum. Hreyfileiðarnar hefjast allar við íþróttamiðstöðvarnar á Álftanesi og í Ásgarði. 

Vífilsstaðavatn og Gunnhildur í wappinu

Fyrstu söguleiðirnar opnaðar 9. júní 2016

Fimmtudaginn 9. júní 2016 bauð Garðabær til sögugöngu um Fógetastíg í Gálgahrauni í tilefni af 40 ára afmæli bæjarins. Við það tækifæri var leið um Gálgahraun opnuð í Wappinu auk þriggja annarra söguleiða um Búrfellsgjá, Vífilsstaðavatn og Gunnhildi og Bessastaðanes. Til viðbótar verða söguleiðir umhverfis Bessastaðatjörn og um Hraunstíg gefnar út í september.

Um Wappið

Wappið er stafrænn gagnagrunnur leiðarlýsinga á Íslandi sem er miðlað í gegnum app fyrir Iphone og Android snjallsíma. Leiðarlýsingarnar eru um allt land, með GPS ferlum, ljósmyndum og er miðlað á ensku og íslensku til notenda. Leiðarlýsingum er hlaðið á símann og þær notaðar án þess að vera í gagnasambandi. Stokkur ehf. forritar Wappið og Samsýn ehf. sér um kortagrunninn fyrir Ísland.

Á forsíðu, www.wapp.is, eru hlekkir beint á Appstore og Playstore til að sækja Wappið.

Wapp, lógó