Frétt­ir og til­kynn­ingar

Nýtt kerfi þar sem íbúar Garðabæjar geta valið sér og leigt matjurtagarð eða gróðurkassa er nú komið í loftið. Garðana má finna á 3 stöðum í Garðabæ, í Hæðahverfi, á Álftanesi og í Urriðaholti.

Sumardagurinn fyrsti verður haldinn hátíðlegur fimmtudaginn 21. apríl nk. 

Sundlaugar Garðabæjar eru lokaðar á föstudaginn langa og páskadag, en annars haldast opnunartímar óbreyttir. 

Jazzhátíð Garðabæjar verður haldin í 16. sinn dagana 21.-24. apríl nk. Hátíðin er haldin á vegum menningar- og safnanefndar Garðabæjar en listrænn stjórnandi hefur frá upphafi verið Sigurður Flosason tónlistarmaður.

Yfirkjörstjórn Garðabæjar hefur veitt viðtöku fimm framboðum til sveitarstjórnarkosninga í Garðabæ sem fram eiga að fara laugardaginn 14. maí nk.

Á næstu árum verður 1.800 ljósastaurum í Garðabæ skipt út fyrir betri ljós, með endingarbetri og orkusparandi ljósaperum sem og að ljósgæðin verða meiri. Hafist verður handa á þessu ári við að skipta út um 500 ljósum með kvikasilfurperum sem eru á stígum á gönguleiðum barna og í námunda við skóla

Samningur um skipulagsráðgjöf á þróunarsvæði A og Hafnarfjarðarvegi í Garðabæ milli bæjarmarka var undirritaður í gær, fimmtudag, af Gunnari Einarssyni bæjarstjóra, Hallgrími Þór Sigurðssyni frá Arkþing – Nordic og Helgu Jóhönnu Bjarnadóttur frá Eflu.

Barnamenningarhátíð í Garðabæ lýkur laugardaginn 9. apríl með fjöri, sköpun og gleði fyrir alla fjölskylduna. Dagskráin er ókeypis og fer fram í glerhýsum á Garðatorgi, í Hönnunarsafni Íslands og á Bókasafni Garðabæjar

Veiðitímabilið í Vífilsstaðavatni stendur yfir frá 1. apríl til 15. september. 

Fjöldi grunn- og leikskólabarna tekur þátt í dagskrá á Hönnunarsafni Íslands, Bókasafni Garðabæjar og á yfirbyggðum torgum dagana 4. – 8. apríl. 

Vakin er athygli á hádegistónleikum næsta miðvikudag, 6. apríl kl. 12:15-12:45 í Tónlistarskóla Garðabæjar. Þær Lilja Guðmundsdóttir sópransöngkona og Eva Þyri Hilmarsdóttir píanóleikari munu næra gesti á hádegistónleikunum og flytja lög eftir Jóhann Helgason, Jóhann G. Jóhannsson, Hauk Tómason, Schubert, Grieg og fleiri meistara.

Stafræn sundkort Garðabæjar eru komin í loftið fyrir íbúa og aðra notendur almenningssundlauga Garðabæjar, í Ásgarði og á Álftanesi.

Laugardaginn 2. apríl kl. 13:30 mun Bókasafn Garðabæjar bjóða upp á kennslu í fataviðgerðum og á saumavél.

Minnt er á lokun í dag, miðvikudaginn 30. mars þegar Álftanesvegur verður lokaður að hluta fyrir umferð vegna kvikmyndatöku. Hjáleið verður í staðinn um Garðahraunsveg (gamla Álftanesveg) þar sem verður leyft að keyra í gegn á meðan. Gert er ráð fyrir að lokunin á Álftanesvegi standi yfir frá kl.9:00 til kl. 19:00.

Sunnudaginn 27. mars nk. kl. 13 munu sýningarstjórar SUNDs, þau Valdimar T. Hafstein, þjóðfræðingur og Brynhildur Pálsdóttir, hönnuður ganga með gestum um sýninguna og draga fram áhugaverðar sögur tengdar sundinu og sýningunni sem er haldin í Hönnunarsafni Íslands.