Aksjón - stuttmyndasmiðja fyrir 9 til 13 ára

Á námskeiðinu verður farið yfir alla þætti þess að búa til stuttmyndir; allt frá hugmyndavinnu til hljóðvinnslu - 14. til 18.júní frá klukkan 9 til 12.

Krakkarnir munu skrifa stutt handrit sem þau taka upp og vinna í smiðjunni. Í lok námskeiðsins sýna allir afraksturinn vinnu sinnar og rýna í ferlið.
Kennari er Gunnar Örn. Útskrifaður úr Kvikmyndaskóla Íslands af leikstjórnar og handritsbraut. Hann hefur komið að gerð fjölda stuttmynda sem leikstjóri, handritshöfundur, framleiðandi og leikari.