Ýmis sumarnámskeið

Dýr og list 2022

SUMARNÁMSKEIÐ 2022 í samstarfi við Dýragarðinn Slakka og Reiðskólann Eðalhesta.

Við ætlum að halda áfram með vinsæla sumarnámskeiðið okkar Dýr og list í sumar fyrir börn á aldrinum 5 til 11 ára. Námskeiðin verða daglega í eina viku og eru frá klukkan 9:00 til 12:00 eða frá klukkan 13:00 til 16:00. Verð á námskeiðinu er kr. 25.000,-

Aðalmarkmið námskeiðsins er að börnin skemmti sér, komist í snertingu við dýr og efli skapandi hugsun.

Börnunum verður kennt að umgangast dýrin, þrífa hjá þeim, gefa þeim að borða, veita þeim ást og hlýju auk þess að fara einu sinni á hestbak.

Við munum vinna með skapandi hugsun, persónulega tjáningu og ímyndunaraflið í myndlist.

Það verða einungis 10 til 15 börn á hverju námskeiði og þeim verður skipt upp í litla tveggja til þriggja manna hópa.

Mikilvægt er að börnin klæði sig eftir veðri því við munum vera mikið úti og gott er að taka með sér nesti fyrir nestistímann. Við leggjum upp úr því að það sé hollt og gott nesti.

Í lok námskeiðsins, sem er á föstudögum, munum við hafa grillpartý fyrir krakkana og þá þurfa þau að taka með sér pylsur/grænmetispylsur og pylsubrauð en við munum útvega meðlæti á pylsurnar.

Skráning er hafin og hægt er að bóka á námskeið í gegnum netfangið dyroglist@gmail.com eða í gegnum facebook síðu námskeiðsins Dýr og list,  og senda okkur þar skilaboð.

Við hlökkum til að sjá ykkur í sumar!

Vika 1

20. júní - 24. júní frá klukkan 9:00 - 12:00 eða frá klukkan 13:00 - 16:00

Vika 2

27. júní - 1. júlí frá klukkan 9:00 - 12:00 eða frá klukkan 13:00 - 16:00

Vika 3

4. júlí - 8. júlí frá klukkan 9:00 - 12:00 eða frá klukkan 13:00 - 16:00s

Vika 4

11. júlí - 15. júlí frá klukkan 9:00 - 12:00 eða frá klukkan 13:00 - 16:00

Vika 5

18. júlí - 22. júlí frá klukkan 9:00 - 12:00 eða frá klukkan 13:00 - 16:00

Vika 6

25. júlí - 29. júlí frá klukkan 9:00 - 12:00 eða frá klukkan 13:00 - 16:00

Kennarar á námskeiðinu eru Sóldís Einarsdóttir og Þórunn Rebekka Ingvarsdóttir.

Sóldís Einarsdóttir hefur lokið myndlistakennaranámi frá Háskóla Íslands. Hún hefur starfað sem myndlistakennari í grunnskólum og hjá Myndlistaskóla Kópavogs, auk þess sem hún hefur starfað sem hundasnyrtir og við hundaþjálfun í mörg ár.

Þórunn Rebekka Ingvarsdóttir stundar núna nám í líffræði við Háskóla Íslands. Hún hefur starfað sem reiðkennari í Reiðskólanum Eðalhestar í mörg ár.