Listir og lestur

Sumarlestur 2021

Sumarlestur bókasafnsins í Garðabæ hefst 29. maí og stendur yfir allt sumarið. 

Aldur:

6-16 ára

Hvenær:

Upphaf sumarlesturs er laugardaginn 29.maí.

Nánari upplýsingar:

Sumarlestur - sumarlestrarátak Bókasafns Garðabæjar sumar 2021

Börn á grunnskólaaldri og yngri börn sem eru farin að lesa sjálf geta tekið þátt í sumarlestrarátakinu. Hægt er að skrá sig allt sumarið í bókasafninu Garðatorgi 7 og Álftanessafni. Það er leyfilegt er að lesa hvað sem er. Mjög mikilvægt er að lesa í sumarfríi skólanna til að tapa ekki niður lestrargetunni og verða fyrir sumaráhrifum.

Börnin setja sér lestrarmarkmið, skrá lesturinn í lestrardagbókina, fá límmiða fyrir hverja lesna bók og geta fyllt út umsagnarmiða sem þau skila í lukkukassann og úr honum er dreginn lestrarhestur vikunnar, sem fær bók í verðlaun, hvern föstudag kl.12 11.júní - 13.ágúst.
Lokahátíð er haldin 21.ágúst og fá þá allir virkir þátttakendur glaðning.
Þemað í ár er eldgos og geta þátttakendur hengt upp pappírshraunmola með nafninu sínu á bókahraunið hjá eldfjallinu okkar og er markmiðið að hraunflæðið lengist og lengist í sumar með sprengilestri barnanna!
Lesum saman í sumar!
Vökvum lestrarblómin!
Lestur er minn ofurkraftur!
Búum til bókahraun!
Springum út í sumar!

Nánari upplýsingar á http://bokasafn.gardabaer.is/