Jafnréttisstofa í samstarfi við Samband íslenskra sveitarfélaga og Garðabæ boðar til landsfundar um jafnréttismál sveitarfélaga dagana 4.-5. september 2019.

Náttúra er þema fyrstu göngunnar þar sem gengið verður í Heiðmörk miðvikudaginn 4. september kl. 18. Mæting er við bílastæði við Maríuvelli

Þóranna Gunný Gunnarsdóttir les, leikur og syngur fyrir 2.- 6. ára börn í Bókasafni Garðabæjar. 

Boðað er til næsta fundar bæjarstjórnar fimmtudaginn 5. september 2019 kl. 17:00 fundarsal bæjarstjórnar í Sveinatungu.

Pólskt götubitaboð - föstudaginn 6. september kl. 18 í Hönnunarsafni Íslands við Garðatorg

Uppskeruhátíð Sumarlesturs Bókasafns Garðabæjar verður haldin laugardaginn 7. september. Ofurhetjuþema!
Kl.12 les Bergrún Íris Sævarsdóttir rithöfundur og myndskreytir les úr nýrri bók, Kennarinn sem hvarf og segir frá öðrum verkum.
Þar á eftir verða þrír lestrarhestar dregnir úr umsagnarmiðunum í lukkukassanum sem fá bók í verðlaun. Allir sem sýna lestrardagbókina sína fá glaðning.

Íslenskar konur virðast geta axlað mikla ábyrgð og þolað mikið álag – en hvað gerist ef áreynslan verður þeim um megn? Sirrý ætlar að fræða okkur um það mánudaginn 9. september klukkan 18 í Bókasafni Garðabæjar. Allir velkomnir á meðan húsrúm leyfir og kostar ekkert. 

Miðvikudaginn 11. september kl. 18:00 leiðir Svandís Ríkharðsdóttir íþróttakennari hressingargöngu frá íþróttamiðstöðinni Ásgarði með viðkomu í nýja Bæjargarðinum

Laugardaginn 14. september verður uppskeruhátíð hjá Skólagörðum Garðabæjar. Hátíðin stendur frá kl. 10 - 16 og í hádeginu verða grillaðar pylsur fyrir duglega ræktendur og aðstoðarmenn þeirra.   

Bókasafn Garðabæjar í samstarfi við félagið Vigdísi – Vini gæludýra á Íslandi býður börnum að heimsækja safnið og lesa fyrir hunda sem eru sérstaklega þjálfaðir til að hlusta á upplestur, laugardaginn 14. september kl. 11:30.

Smástundamarkaður EYGLO verður í Hönnunarsafni Íslands laugardaginn 14. september kl. 12-17.

Arndís Þórarinsdóttir rithöfundur les upp úr barnabókinni Nærbuxnaverksmiðjan og óútkominni bók Nærbuxnanjósnararnir, laugardaginn 14. september kl. 13.

Fjölskyldusmiðjan Að byggja borg verður í Hönnunarsafni Íslands sunnudaginn 15. september nk. kl. 13-15. 

Lauflétti leshringurinn hittist þriðja þriðjudag í mánuði klukkan 18:30 yfir vetrartímann í Bókasafni Garðabæjar.

Nú hefur verið sett upp smáforrit (app) ætlað byggingarstjórum til að gera eigin úttektir. Forritið einfaldar ferlið að senda úttektir sem hafa verið gerðar, inn í kerfi Garðabæjar og Mannvirkjastofnunar. Haldinn verður kynningarfundur fyrir byggingastjóra miðvikudaginn 18. september kl. 15 í Sveinatungu þar sem forritið verður kynnt og virkni þessi sýnd.

Miðvikudaginn18. september kl. 18 er hist á bílastæði við Kasthúsatjörn og svo gengið meðfram sjávarsíðunni og umhverfis Bessastaðatjörn á Álftanesi. Það er alltaf hressandi að finna seltuilm í lofti og heyra sjávarniðinn. Leiðin er greiðfær og gengið á stígum alla leið. 

Arna Skúladóttir sérfræðingur í barnahjúkrun fræðir foreldra ungra barna um svefnvenjur og veitir góð ráð fimmtudaginn 19. september kl. 10:30 í Bókasafni Garðabæjar.

Fundir bæjarstjórnar Garðabæjar eru fyrsta og þriðja fimmtudag hvers mánaðar og hefjast kl. 17.
Fundir bæjarstjórnar eru haldnir í Sveinatungu, fundarsal bæjarstjórnar á Garðatorgi 7.

Hjólafærni og LHM bjóða upp á rólega hjólaferð fimmtudaginn 19. september kl. 18 frá Garðatorgi.

Föstudaginn 20. september 2019 munu Hjólafærni og Landsamtök hjólreiðamanna halda níundu ráðstefnu sína undir heitinu Hjólum til framtíðar. 

Signý Þórhallsdóttir hefur dvalið í Hönnunarsafni Íslands undanfarna mánuði með vinnustofu þar sem hún hefur verið að þróa og framleiða vörur úr silki og ull fyrir vörumerki sitt Morra.

Fjölskyldustund - laugardaginn 21. september, klukkan 11-14 í Bókasafni Garaðbæjar. 

FJÖLSKYLDUSMIÐJA verður haldin sunnudaginn 22. september kl. 13-15 í Hönnunarsafni Íslands.

Veitur tilkynna um lokun heitavatnsæðar á Álftanesi mánudaginn 23. september nk. milli 9:00 og 15:00.

Leshringur hefur verið starfandi við Bókasafn Garðabæjar frá árinu 2000 og er nú orðinn fastur liður í starfsemi bókasafnsins. Leshringurinn hittist annan hvern þriðjudag kl. 10:30 yfir vetrartímann.

Hönnunarskólinn, í samstarfi við Hönnunarsafn Íslands hefst 24. september nk.

Rakel Garðarsdóttir stofnandi Vakandi samtök um aukna vitundarvakningu varðandi matarsóun matvæla heldur erindi um matarsóun á Bókasafni Garðabæjar þriðjudaginn 24. september klukkan 18. Rakel segir að sterkasta vopnið gegn matarsóun sé neytandinn sjálfur. 

Garðabær tekur þátt í verkefni Ferðafélags Íslands um lýðheilsugöngur í september. Alla miðvikudaga getur almenningur tekið þátt í lýðheilsugöngum um allt land. Síðasta gangan verður miðvikudaginn 25. september en þá verður gengið frá Garðakirkju um Garðahverfi með viðkomu m.a. í burstabænum Króki.

Jenný Jóakimsdóttir hjá Kvenfélagssambandi Íslands heldur erindi um fatasóun fimmtudaginn 26. september klukkan 18 í Bókasafni Garðabæjar.

Laugardaginn 28. september á milli klukkan 11 og 15 mun Kvenfélag Garðabæjar og Kvenfélag Álftaness í samstarfi við Bókasafn Garðabæjar standa fyrir fataskiptimarkaði á Garðatorgi 7.