Menningarnótt - opið hús á Bessastöðum
Á Menningarnótt verður opið hús á Bessastöðum.
Opið hús á Bessastöðum á Menningarnótt laugardaginn 18. ágúst frá kl. 12-16.
Auk hinna merku steinhúsa frá 18. öld geta gestir virt fyrir sér sýnishorn gjafa, sem forseta hafa borist og fornleifar sem veita innsýn í búsetu á Bessastöðum frá landnámstíð. Þá mun fyrsti forsetabíll lýðveldissögunnar, Packard bifreið Sveins Björnssonar, standa í hlaði Bessastaða en bifreiðin er ríflega sjötug, árgerð 1942.
Kirkjan verður því miður ekki opin að þessu sinni.
Á vef forsetaembættisins má sjá ýmsan fróðleik um forsetasetrið á Bessastöðum.
Á vef Menningarnætur má lesa um þá dagskrá sem verður í boði laugardaginn 19. ágúst nk.