Tónlistarveisla í skammdeginu - hljómsveitin Valdimar
Hljómsveitin Valdimar - fimmtudaginn 8. nóvember kl. 21 á Garðatorgi
TÓNLISTARVEISLA Í SKAMMDEGINU - Fimmtudaginn 8. nóvember 2018 kl. 21.00 á Garðatorgi
Hljómsveitin Valdimar
Í tónlistarveislu ársins er það hljómsveitin Valdimar sem stígur á svið. Hljómsveitin Valdimar gaf nýverið út sína fjórðu breiðskífu ,,Sitt sýnist hverjum“. Hljómsveitin Valdimar var stofnuð árið 2009 og notið mikilla vinsælda hér á landi. Plötur sveitarinnar hafa hlotið fjölda tilnefninga til íslensku tónlistarverðlaunanna og hljómsveitin hefur komið víða fram á tónlistarhátíðum hér heima sem erlendis.
Þetta er í sextánda sinn sem tónlistarveislan er haldin á Garðatorgi. Að venju verður borðum og stólum raðað upp á torginu og gestir geta keypt sér veitingar á staðnum en tónleikarnir byrja klukkan 21 og standa í rúman klukkutíma.
Á fimmtudagskvöldinu 8. nóvember geta gestir og gangandi einnig skoðað myndlist á Garðatorgi í Gróskusalnum. Myndlistarmenn úr Grósku opna samsýningu undir yfirskriftinni ,,Leyndarmál“ kl. 20 um kvöldið og sýningin verður opin fram eftir kvöldi.
Ýmsar verslanir verða með opið hús í tilefni kvöldsins.
Aðgangur að tónlistarveislunni er ókeypis og allir eru velkomnir á meðan húsrúm leyfir.
Lionsmenn sjá um veitingasölu á staðnum.
Velkomin á Garðatorgið!
Tónlistarveislan er haldin á vegum mennningar- og safnanefndar Garðabæjar.