1. 2106536 - Fjárhagsáætlun Garðabæjar 2022 - viðauki nr. 3. |
Á fund bæjarráðs kom Lúðvík Hjalti Jónsson, fjármálastjóri og gerði grein fyrir viðauka nr. 3 við fjárhagsáætlun Garðabæjar fyrir árið 2022. Um er að ræða breytingar á launaliðum fjárhagsáætlunar.
Bæjarráð samþykkir að leggja til við bæjarstjórn að samþykkja eftirfarandi viðauka nr. 3 við fjárhagsáætlun 2022 samkvæmt 2. mgr. 63. gr. sveitarstjórnarlaga nr. 138/2011.
Viðauki nr. 3. „Í gildandi kjarasamningum Sambands ísl. sveitarfélaga eru tengiákvæði við lífskjarasamninga á almennum markaði um greiðslu hagvaxtarauka. Forsendunefnd ASÍ og SA hefur staðfest að hagvaxtarauki að fjárhæð 10.500 kr. komi á öll taxtalaun frá 1. apríl 2022 og greiðist með launum þann 1. maí 2022.
Samband ísl. sveitarfélaga hefur gengið frá kjarasamningum við kennarafélögin um kjarasamninga við grunnskólakennara, leikskólakennara og tónlistarskólakennara. Kjarasamningarnir eru með gildistíma frá 1. janúar 2022.
Hækkun launaliðar sameiginlegs kostnaðar er tilkomin vegna ákvæða kjarasamninga 5,0 mkr og uppgjörs á launum bæjarstjóra 19,5 mkr
Ofangreindar hækkanir á launum á árinu 2022 eru metnar á 226,1 mkr. og skiptast þannig niður á einstaka málaflokka og deildir:
Fjölskyldusvið kr. 15.500.000 Fræðslusvið kr. 170.000.000 Menningarmál kr. 2.500.000 Æskulýðs- og íþróttamál kr. 6.200.000 Tæknideild kr. 2.600.000 Umhverfismál kr. 2.400.000 Sameiginlegur kostnaður kr. 24.500.000 Eignasjóður kr. 100.000 Þjónustumiðstöð kr. 2.000.000 Samveitur kr. 300.000 Samtals kr. 226.100.000
Fjárhagsáætlun 2022 gerir ráð fyrir fjárveitingu að fjárhæð 160 mkr. vegna sumarátaks ungs fólks. Áætlað er að raunkostnaður verði um 240 mkr. Ekki varð af þátttöku Vinnumálastofnunar í verkefninu á árinu 2022 eins og var árið 2021.
Sumarátak vegna vinnu ungs fólks kr. 80.000.000 kr. Samtals hækkun launaliða kr. 306.100.000
Fjármögnun viðauka Útgjaldaauka er mætt með varasjóði og hækkun á staðgreiðslu útsvars.
Varasjóður kr. -68.000.000 31916-7179 Staðgreiðsla útsvars kr. -238.100.000 00010-0021 Samtals kr. -306.100.000“
|
|
|
|
2. 2206032 - Lambhagi 20 - Umsókn um byggingarleyfi. |
Bæjarráð samþykkir afgreiðslu byggingarfulltrúa að veita Jeta ehf., kt. 530212-0840, leyfi til að byggja sólskála við núverandi einbýlishús að Lambhaga 20. |
|
|
|
3. 2206223 - Kauptún 4 - Umsókn um byggingarleyfi. |
Bæjarráð samþykkir afgreiðslu byggingarfulltrúa að veita Urriðakoti ehf., kt. 440505-2360, leyfi til að byggja við núverandi atvinnuhúsnæði að Kauptúni 4. |
|
|
|
4. 2111148 - Lindarflöt 41 - Umsókn um byggingarleyfi. |
Bæjarráð samþykkir afgreiðslu byggingarfulltrúa að veita Gunnari Frey Gunnarssyni, kt. 120580-4779, leyfi til að byggja við og gera breytingar á innra skipulagi núverandi einbýlishúss að Lindarflöt 41. |
|
|
|
5. 2202488 - Afgreiðsla skipulagsnefndar varðandi verkefnalýsingu vegna tillögu að deiliskipulagi fyrir golfvöll Golfklúbbs Kópavogs og Garðabæjar og útivistarskóg Skógræktarfélags Garðabæjar í Smalaholti. |
Bæjarráð samþykkir að leggja til við bæjarstjórn að samþykkja tillögu skipulagsnefndar um verkefnalýsingu deiliskipulagstillögu fyrir svæði golfvallar Golfklúbbs Kópavogs og Garðabæjar og útivistarskóg Skógræktarfélags Garðabæjar í Smalaholti, sbr. 1. mgr. 40. gr. skipulagslaga nr. 123/2010. |
|
|
|
6. 2207039 - Afgreiðsla skipulagsnefndar varðandi óverulega breytingu á deiliskipulagi Vífilsstaðavegar og Bæjarbrautar vegna lóða við Garðatorg. |
Bæjarráð samþykkir að leggja til við bæjarstjórn að samþykkja tillögu skipulagsnefndar um óverulega breytingu á deiliskipulagi Vífilsstaðavegar og Bæjarbrautar varðandi lóðir við Garðatorg nr. 4 og 6, sbr. 2. mgr. 43. gr. skipulagslaga nr. 123/2010. Tillagan gerir ráð fyrir heimild fyrir verslanir og veitingastaði að nýta sér útisvæði. Tillagan skal grenndarkynnt samkvæmt 44. gr. skipulagslaga. |
|
|
|
7. 2205204 - Afgreiðsla skipulagsnefndar varðandi umsókn um breytingu á deiliskipulagi vesturhluta Urriðaholts vegna lóðarinnar við Víkurgötu 7. |
Bæjarráð samþykkir að leggja til við bæjarstjórn að samþykkja tillögu skipulagsnefndar að hafna umsókn lóðarhafa að Víkurgötu 7 um skiptingu raðhúsaeiningar í tvær íbúðir. |
|
|
|
8. 2208268 - Tilkynning frá umhverfis-, orku- og loftlagsráðuneytinu varðandi samgönguviku 2022. |
Lögð fram. |
|
|
|
|
|
9. 2201115 - Innritun í leikskóla haustið 2022. |
Sviðsstjóri fræðslu- og menningarsviðs gerði grein fyrir minnisblaði, dags. 15. ágúst 2022 um stöðu innritunar í leikskóla en öllum börnum sem fædd eru í júní, júlí og ágúst 2021 hefur verið úthlutað dvöl á leikskóla í Garðabæ.
Halldóra Pétursdóttir, leikskólafulltrúi, sat fund bæjarráðs undir þessum dagskrárlið.
|
|
|
|
|
|
10. 2203101 - Gjaldskrá Tónlistarskóla Garðabæjar fyrir skólaárið 2022-2023. |
Bæjarráð vísar tillögu skólanefndar Tónlistarskóla Garðabæjar varðandi gjaldskrá skólárið 2022-2023 til afgreiðslu bæjarstjórnar. |
|
|
|
11. 2208212 - Tilkynning frá mennta- og barnamálaráðuneytinu varðandi drög að reglugerð um tengiliði og málstjóra samþéttingar þjónustu í þágu farsældar barna. |
Sviðsstjóri fræðslu- og menningarsviðs og sviðsstjóri fjölskyldusviðs gerðu grein fyrir stöðu innleiðingar á samþættingu þjónustu í þágu farsældar barna hjá Garðabæ.
Tilkynningin lögð fram og vísað til kynningar í fjölskylduráði, skólanefnd grunnskóla og leikskólanefnd.
|
|
|
|
|
|
12. 2201266 - Framlög til stjórnmálaflokka 2022 - síðari hluti. |
Bæjarráð samþykkir eftirfarandi skiptingu á greiðslu til stjórnmálasamtaka síðari hluta ársins samkvæmt fjárhagsáætlun 2022.
Framsóknarflokkur kr. 276.718 Viðreisn kr. 281.182 Sjálfstæðisflokkur kr.1.040.670 Garðabæjarlistinn kr. 443.097 Samtals: kr.2.041.667
Fyrir liggja gögn til staðfestingar á að ofangreind stjórnmálasamtök hafa sinnt upplýsingaskyldu sinni gagnvart Ríkisendurskoðun samkvæmt 5. gr. a. laga nr. 162/2006 um starfsemi stjórnmálasamtaka.
|
|
|
|
13. 2111187 - Tilboð í framkvæmdir við lóð Álftanesskóla. |
Eftirfarandi tilboð bárust í framkvæmdir við endurbætur á lóð Álftanesskóla. Tilboðin hafa verið yfirfarin.
Topptækni ehf. kr. 93.771.200 Sumargarðar ehf. kr. 89.645.300 Mostak ehf. kr. 69.470.000 Garðyrkjuþjónustan ehf. kr. 86.551.500 Fagurverk ehf. kr. 94.635.800 Jarðvit ehf. kr. 77.592.890 Kostnaðaráætlun kr. 76.784.500
Bæjarráð samþykkir að taka tilboði lægstbjóðanda Mostaks ehf. Samþykktin er með fyrirvara um að uppfylltir séu allir skilmálar útboðsins og er bæjarverkfræðingi falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.
|
|
|
|
14. 2208316 - Umhverfishópar 2022 - greinargerð um sumarvinnu ungs fólks. |
Lögð fram greinargerð yfirflokkstjóra umhverfishópa sumarið 2022.
Bæjarráð lýsir sérstakri ánægju með framkomna greinargerð um verkefni ungs fólk við umhverfisstörf í Garðabæ í sumar.
|
|
|
|
|
|