Lóðir í Garðabæ

Í dag eru lausar lóðir í Garðabæ til ráðstöfunar hjá einkaaðilum í Urriðaholti og Akrahverfi.
Garðabær vinnur nú að gatnagerð á miðsvæði Álftaness við Breiðumýri og Kumlamýri. Í Breiðumýri er hámarks byggingarmagn 30.000 m² í allt að 252 íbúðareiningum í fjölbýlishúsum með möguleika á sérbýli að hluta. Í Kumlamýri er gert ráð fyrir parhúsum.

Hönnun gatna við Þórukot á miðsvæði Álftaness er hafin. Í Þórukoti er gert ráð fyrir einbýlishúsum. 

Lóðir á vegum Garðabæjar:

Í öllum tilvikum sem lóðir á vegum Garðabæjar eru til úthlutunar verða þær auglýstar á vef Garðabæjar og/eða á annan áberandi hátt.  Til að fylgjast með fréttum og auglýsingum frá Garðabæ er hægt að gerast áskrifandi að rafrænu fréttabréfi Garðabæjar sem er sent út vikulega á föstudögum.  Skráning á póstlistann er neðst á forsíðu vefs Garðabæjar. 

Atvinnulóðir í Garðabæ - Þorraholt 2 og 4 

Garðabær auglýsir til sölu byggingarrétt fyrir atvinnuhúsnæði á lóðunum Þorraholt 2 og 4 í Hnoðraholti norður.  Sjá auglýsingu hér. 

Uppbyggingarsvæði í Garðabæ:

Miðsvæði Álftaness

Nýtt deiliskipulag fyrir Breiðumýri, Krók, Helguvík og Kumlamýri hefur tekið gildi. Garðabær hefur samið við Húsbygg ehf. um úthlutun lóða í Breiðumýri. Gera má ráð fyrir að uppbygging á lóðum við Lambamýri hefjist á vormánuðum 2021. 

Nánari upplýsingar um nýtt deiliskipulag Breiðamýris, Krók, Helguvík og Kumlamýri.

Hnoðraholt og Vetrarmýri

Bæjarstjórn Garðabæjar samþykkti á fundi í nóvember 2020 nýtt deiliskipulag fyrir fyrsta áfanga íbúðarbyggðar á norðurhluta Hnoðraholts og Vetrarmýri. Í undirbúningi er að hefja vinnu við hönnun gatna og útboði framkvæmda við gatnagerð.