Skipulag í kynningu

Hér má nálgast þau skipulagsmál sem eru í kynningu hjá Garðabæ. Hagsmunaaðilar eru hvattir til að kynna sér málin.

Athugasemdum eða ábendingum við kynntar tillögur skal skila skriflega til tækni- og umhverfissviðs Garðabæjar, Garðatorgi 7, eða með tölvupósti á skipulag@gardabaer.is fyrir lok þess dags sem gefinn er upp hverju sinni.


Bæjargarður

Tillaga að deiliskipulagsbreytingu

Bæjarráð Garðabæjar auglýsir hér með tillögu að breytingu á deiliskipulagi fyrir Bæjargarð samkvæmt 1. mgr. 43. gr. skipulaglaga nr. 123/2010. Tillagan gerir ráð fyrir sex 9,15 m háum ljósmöstrum við íþróttavöll.

Tillagan liggur frammi á bæjarskrifstofum Garðabæjar, Garðatorgi 7, frá 26. júlí 2018 til og með 6. september 2018. Hún er einnig aðgengileg á vef bæjarins, www.gardabaer.is. Dreifibréf verður sent í hús í Fitjum, Hraunhólum og Stekkjarflöt þar sem athygli er vakin á auglýsingunni.

Þeim sem telja sig eiga hagsmuna að gæta er gefinn kostur á að gera athugasemdir við tillöguna.
Frestur til þess að skila inn athugasemdum rennur út 6. september 2018.

Skila skal inn athugasemdum á bæjarskrifstofu Garðabæjar eða á skipulag@gardabaer.is og skulu þær vera skriflegar og undirritaðar.