Hreinsunarátak og vorhreinsun 2018

Gerum Garðabæ að snyrtilegasta bæ landsins!

Gróður á lóðum - leiðbeiningar um alhliða ræktun - Bæklingurinn vorhreinsun 2018

Hreinsunarátak Garðabæjar - hreinsað til í nærumhverfinu 16.- 30. apríl

Styrkir fyrir gott framtak

Félög og hópar geta tekið sig saman um að hreinsa svæði í sínu nærumhverfi. Hægt er að sækja um svæði til ruslatínslu og hljóta styrk til að verðlauna hópinn fyrir gott framtak t.d. til að halda grillveislu. Starfsmenn bæjarins hirða upp alla poka og annað sem til fellur eftir ruslatínsluna.

Vorhreinsun lóða 14. - 25. maí 2018

Garðbæingar eru hvattir til að hreinsa lóðir sínar í sameiginlegu átaki dagana 14.-25. maí. Starfsmenn bæjarins og verktakar verða á ferðinni þessa daga og hirða garðúrgang sem settur hefur verið út fyrir lóðamörk.

Temdu þér umhverfisvænan lífstíl með því að setja garðaúrgang í safnhaug í stað plastpoka.  Allt sem til fellur í garðinum yfir sumarið ætti að fara til moltugerðar.

Hreinsun á garðúrgangi:

14.-16. maí   Flatir, Ásgarður, Fitjar, Hólar, Ásar, Grundir, Sjáland, Arnarnes, Akrar, Vífilsstaðir, Urriðaholt
 17.-22. maí  Tún, Mýrar, Garðatorg, Móar, Byggðir, Lundir, Búðir, Bæjagil, Hæðahverfi, Hnoðraholt 
23.-25. maí   Álftanes, Garðahverfi, Prýði, Hleinar og v. Álftanesveg

Gerum Garðabæ að snyrtilegasta bæ landsins!