30-year-old footbridge at Vífilsstaðavatn renovated
Note that this news is older than 12 months.
Construction on the renovation of the pedestrian bridge in the nature reserve at Vífilsstaðavatn will begin on August 27. Emphasis will be placed on minimizing any disturbance to the area during the repair.
Þriðjudaginn 27. ágúst hefjast framkvæmdir á göngubrúnni í friðlandi Vífilsstaðavatns. Umrædd brú var smíðuð á staðnum árið 1994 af þáverandi smið bæjarins. Sumarið 2022 kom í ljós fúi í burðarbita og gat á brúargólfi. Ráðist var í viðgerð á þeim skemmdum til að tryggja öryggi gesta friðlandsins. Við nánari skoðun og við viðgerð kom í ljós að tímabært væri að endurnýja þessa 30 ára göngubrú.
Umhverfis Vífilsstaðavatn er útivistarstígur sem er um 2,6 km að lengd, þar af er göngubrúin vestan við vatnið. Á meðan á viðgerð göngubrúarinnar stendur verður ekki hægt að ganga allan hringinn í kringum vatnið en þá er tilvalið að fara sömu leið til baka og lengja þannig gönguna.
Áhersla verður lögð á að lágmarka allt rask og tryggja öryggi vegfarenda um svæðið á meðan á framkvæmd við endurnýjun göngubrúarinnar stendur.
Framkvæmdin er á vegum Garðabæjar og Umhverfisstofnunar. Sameiginleg umsókn Garðabæjar og Umhverfisstofnunar hlaut styrk úr Landsáætlun til endurnýjunar á brúnni.
Áætluð verklok eru 13. september 2024.
107.931 heimsókn í fyrra
Vífilsstaðavatn hefur löngum verið einn vinsælasti viðkomustaður höfuðborgarsvæðisins meðal náttúruunnenda enda um mikla útivistaparadís að ræða. Teljari var settur upp við vatnið í febrúar 2019 og sýna tölur úr honum að heimsóknir að vatninu voru 107,931 talsins árið 2023. Heimsóknir eru orðnar tæplega 70 þúsund það sem af er ári 2024.