Changes to street lighting service and maintenance in Garðabær
Note that this news is older than 12 months.
Following HS Veitur's termination of street lighting service and maintenance in Garðabær, which accounts for approximately 1/3 of the street lighting system, it was decided to terminate the contract with Onur Náttúrunnar (ON) and tender this service throughout the municipality.
Í kjölfar uppsagnar HS Veitna á þjónustu og viðhaldi gatnalýsingar í Garðabæ, sem er um það bil 1/3 af gatnalýsingarkerfinu, var ákveðið að segja upp samningi við Orku náttúrunnar (ON) og bjóða út þessa þjónustu í öllu sveitarfélaginu. Þessi tvö veitufyrirtæki höfðu séð um alla gatna- og stígalýsingu frá því að hún var fyrst sett upp eða í meira en 50 ár.
Með tilkomu LED-lampa í gatnalýsingu verður umtalsverður sparnaður í rekstri hennar þar sem gert er ráð fyrir að orka og viðhald lækki um að minnsta kosti 70%. Í Garðabæ eru 4.068 lampar í götu- og stígalýsingarkerfinu og búið er að setja upp 320 LED-lampa auk þess sem 1.830 lampar eru í útboðsferli og verða settir upp á næstu þrem árum. LED-væðingin er kostnaðarsöm en sparnaðurinn vinnur kostnaðinn upp á 6-7 árum með lömpum sem eiga að endast í 20-25 ár eða 100.000 klst án þess að skipta um ljósgjafa.
Nú 1. febrúar tók Rafal ehf við þjónustu og viðhaldi gatnalýsingar í Garðabæ eftir sameiginlegt útboð Garðabæjar, Hafnarfjarðar og Vegagerðarinnar og nær samningurinn til þriggja ára. Á sama tíma færist öll umsjón með kerfinu og utanumhald á gagnagrunnum og landupplýsingum til sveitarfélagsins sem hefur samið við Loftmyndir ehf um umsjón með þessum upplýsingum. Mælst er til þess að íbúar hafi samband við þjónustuverið í síma 525 8500 varðandi bilanir og ábendingar eða komi þeim á framfæri á ábendingarvefnum.