36. fundur

Lúðvík Hjalti Jónsson, fjármálastjóri Garðabæjar kynnti fjárhagsáætlun Garðabæjar 2026.

Auglýsing Þróunarsjóðs grunnskóla 2026 lögð fram til kynningar.

Grunnskólafulltrúi kynnti þrepaskipta skólaþjónustu í leik- og grunnskólum sem verið er að innleiða í skóla í Garðabæ. Þrepaskipt skólaþjónusta er heildstætt skipulag kennslu, starfshátta og stuðningsúrræða í skólum þar sem þverfagleg teymi kennara og fagfólks skipuleggja stuðningsúrræði fyrir einstaka nemendur.

Grunnskólafulltrúi kynnti og sagði frá innleiðingu Gæða kennslustunda (STiP) í grunnskóla Garðabæjar. Farið var yfir STiP sem er faglegt efni sem styður kennara í að efla gæði kennslu.Efnið byggir á rannsóknum norrænna og alþjóðlegra fræðimanna, hefur verið þýtt og aðlagað að íslensku skólastarfi. Til kennslunstundarýnis verður notað kerfið Bravo Lesson en það styður skólastjórnendur við skipulagðar vettvangsathuganir í kennslustundum, skráningu niðurstaðna og faglega endurgjöf til kennara.