The recreational vehicle stops in Miðgarður

Fyrsta æfingin í Miðgarði fór fram um síðustu helgi og nú eru æfingar komnar á fullt í þessu nýja fjölnota íþróttahúsi í Vetrarmýri. Akstursleiðir frístundabílsins í Garðabæ, sem keyrir börn frá frístundaheimilum grunnskóla í íþrótta- og tómstundastarf, breyttust 7. febrúar sl. þar sem búið er að bæta við stoppi í Miðgarði á öllum þremur leiðum frístundabílsins.

Hér á vef Garðabæjar er hægt að sjá upplýsingar um akstursleiðir og tímatöflu frístundabílsins og upplýsingar um skráningu í bílinn og gjaldskrá.

Strætó á leið 22 keyrir í Miðgarð frá 20. febrúar

Frá og með sunnudeginum 20. febrúar nk. verður hægt að taka strætó sem stoppar við Miðgarð. Leið 22 bætir við stoppi við Miðgarð á leið sinni milli Ásgarðs og Urriðaholts. Nánari upplýsingar með uppfærðri tímatöflu verða settar inn á vef Strætó fyrir 20. febrúar nk.