Bygging búsetukjarna við Brekkuás
Við Brekkuás 2 verður reistur sjö íbúða búsetukjarni fyrir fatlað fólk, ásamt starfsmannaaðstöðu. Í dag, föstudaginn 12. ágúst var undirritaður verksamningur við Gunnar Bjarnason ehf. um verkið en fyrirtækið var lægstbjóðandi í byggingu hússins í útboði fyrr í sumar.
-
Frá vinstri: Anna Margrét Hauksdóttir arkitekt hjá AVH, Gunnar Bjarnason framkvæmdastjóri, Almar Guðmundsson bæjarstjóri og Svanhildur Þengilsdóttir sviðsstjóri fjölskyldusviðs
Við Brekkuás 2 verður reistur sjö íbúða búsetukjarni fyrir fatlað fólk, ásamt starfsmannaaðstöðu. Í dag, föstudaginn 12. ágúst var undirritaður verksamningur við Gunnar Bjarnason ehf. um verkið en fyrirtækið var lægstbjóðandi í byggingu hússins í útboði fyrr í sumar.
Framkvæmdir eru að hefjast og verklok eru áætluð um miðjan október 2023. Byggingin verður á einni hæð, staðsteypt og einangruð að utan, klædd með timburklæðningu, heildarstærð 587,6 m2. Arkitekt hússins er AVH ehf - Arkitektúr - Verkfræði - Hönnun og hönnunarstjóri er Anna Margrét Hauksdóttir arkitekt. Landslag ehf sér um landslagshönnun lóðar, Lumex sér um verkfræðiráðgjöf raflagna og Örugg verkfræðistofa sér um brunahönnun hússins.
Bygging búsetukjarnans er hluti af stefnu bæjarins um áframhaldandi uppbyggingu búsetukjarna fyrir fatlað fólk samhliða fjölgun annarra búsetuúrræða og fækkun herbergjasambýla.
Á mynd hér að ofan eru frá vinstri: Guðni Agnar Ágústsson hjá Gunnari Bjarnasyni ehf, Eysteinn Haraldsson bæjarverkfræðingur og sviðsstjóri tækni- og umhverfissviðs, Anna Margrét Hauksdóttir arkitekt hjá AVH, Gunnar Bjarnason framkvæmdastjóri og Svanhildur Þengilsdóttir sviðsstjóri fjölskyldusviðs.