18. (782). fundur

Guðrún Elín Herbertsdóttir, ræddi 10. tl., bréf Hafnarfjarðarbæjar vegna samþykktar um lokun gamla Álftanesvegar.

María Grétarsdóttir ræddi sama mál.

Gunnar Einarsson, bæjarstjóri ræddi sama mál og svaraði fyrirspurnum.

Fundargerðin sem er 11 tl. er samþykkt samhljóða.

María Grétarsdóttir, ræddi 10. tl., bréf Jakobstad um vinabæjamót í júlí 2016 og lagði fram eftirfarandi bókun.

„Í umræðu um boð á vinabæjamót nk. sumar kom fram í máli bæjarstjóra að vinabæjamótin hafi verið heldur lágstemmd síðustu ár. Í því samhengi er rétt að rifja upp að á síðasta vinabæjamót (2014) fóru bæjarfulltrúarnir Erling Ásgeirsson og Steinþór Einarsson auk bæjarstjóra Gunnars Einarssonar ásamt mökum og nam heildarkostnaðurinn rúmum 800 þúsund krónum. Þegar Fólkið í bænum leitaði upplýsinga um hverjum hefði verið boðið að taka þátt í vinabæjamótinu kom fram að Gunnar Einarsson hefði hringt í minnihlutafulltrúa Steinþór og boðið honum ásamt maka með í för. Fólkið í bænum óskar eftir umræðu í bæjarráði og/eða bæjarstjórn um með hvaða hætti fulltrúar frá bænum verða valdir til þátttöku á vinabæjamót á árinu 2016.

Þá ræddi María 13. tl., fyrirspurn frá Fólkinu í bænum varðandi gagnsæja stjórnsýslu við kynningu á tillögu um staðsetningu á fjölnota íþróttahúsi og lagði fram eftirfarandi bókun.

„Fólkið í bænum sendi inn erindi til bæjarráðs varðandi hvort jafnræðisreglur almennrar stjórnsýslu hafi verið brotnar hjá bænum þar sem meirihlutinn virtist búinn að kynna fyrirhugaðar framkvæmdir við fjölnota knatthús (hálft hús) á Ásgarðssvæði, sem settar eru fram í fjárhagsáætlun 2016-2019, fyrir einungis hluta af bæjarfulltrúum þ.e. öllum öðrum en fulltrúa Fólksins í bænum. Bæjaryfirvöld höfðu látið teikna að nýju fjölnota íþróttahús á Ásgarðssvæði, hálft hús, en forsvarsmenn Stjörnunnar lögðu fram þá sáttatillögu að byrjað yrði á hálfu húsi og það síðar stækkað í heilt hús. Teikningar af þessu hálfa húsi voru kynntar fyrir forsvarsmönnum Stjörnunnar auk hluta af bæjarstjórn eins og áður segir. Meirihluti bæjarráðs auk bæjarritara og bæjarstjóra taldi ekkert athugunarvert við framangreind vinnubrögð og fól bæjarstjóra að svara erindinu formlega.

Fólkið í bænum vill ítreka að í siðareglum fyrir kjörna fulltrúa í Garðabæ er tekið fram að bæjarfulltrúar skuli í störfum sínum koma fram af háttvísi. Þeim beri að forðast að hafast nokkuð að sem getur varpað rýrð á störf þeirra eða Garðabæ. Kjörnum fulltrúum beri að starfa af kostgæfni, fyrir opnum tjöldum og vera reiðubúnir að rökstyðja ákvarðanir sínar. Kjörnir fulltrúar skuli sýna störfum og réttindum annarra kjörinna fulltrúa Garðabæjar og starfsmanna bæjarins virðingu.“

Steinþór Einarsson ræddi 13. tl., fyrirspurn frá Fólkinu í bænum varðandi gagnsæja stjórnsýslu við kynningu á tillögu um staðsetningu á fjölnota íþróttahúsi.

Áslaug Hulda Jónsdóttir, ræddi 13. tl., fyrirspurn frá Fólkinu í bænum varðandi gagnsæja stjórnsýslu við kynningu á tillögu um staðsetningu á fjölnota íþróttahúsi.

Guðrún Elín Herbertsdóttir, ræddi 13. tl., fyrirspurn frá Fólkinu í bænum varðandi gagnsæja stjórnsýslu við kynningu á tillögu um staðsetningu á fjölnota íþróttahúsi.

Halldór Jörgensson, ræddi 13. tl. fyrirspurn frá Fólkinu í bænum varðandi gagnsæja stjórnsýslu við kynningu á tillögu um staðsetningu á fjölnota íþróttahúsi.

Sigurður Guðmundsson, ræddi 4. tl., afgreiðslu skipulagsnefndar um breytingu á aðalskipulagi Garðabæjar vegna Kauptúns og gerði grein fyrir íbúafundum um kynningu á endurskoðun aðalskipulags.


Fundargerðin sem er 14 tl. er samþykkt samhljóða

Fundargerðin lögð fram.

Fundargerðin lögð fram.

Jóna Sæmundsdóttir, ræddi 1. tl. rekstraryfirlit Sorpu bs. fyrir tímabilið janúar ? september og gerði nánari grein fyrir helstu frávikum frá fjárhagsáætlun og 2. tl., kæru Íslenska gámafélagsins.

Guðrún Elín Herbertsdóttir, kvaddi sér hljóðs og óskaði eftir upplýsingum um hvort og þá hvenær væri fyrirhugað að loka starfsemi grenndarstöðvar við Dalveg.

Jóna Sæmundsdóttir ræddi sama mál og upplýsti að grenndarstöðin þyrfti að víkja innan tveggja ára.

Fundargerðin lögð fram.

Fundargerðin lögð fram.

Gunnar Valur Gíslason, ræddi fg. frá 13/11, 1. tl., fjárhags- og starfsáætlun Strætó, 2. tl., árshlutauppgjör, 3. tl., innri endurskoðun Strætó. Þá ræddi Gunnar 1. tl., fg frá 16/11, niðurstöður akstursútboðs.

Steinþór Einarsson, kvaddi sér hljóðs og ræddi 1. tl., fg. frá 13/11, fjárhags- og starfsáætlun Strætó.

Gunnar Valur Gíslason, tók til máls að nýju og ræddi fjárhagsáætlun Strætó.

Fundargerðin lögð fram.

Fundargerðin lögð fram.

Bæjarstjórn samþykkir gjaldskrá Slökkviliðs höfuðborgarsvæðisins, sem samþykkt var á fundi stjórnar SHS, 20. nóvember 2015 og öðlast gildi við birtingu í B-deild Stjórnartíðinda.

Halldór Jörgensson tók til máls og lýsti ánægju með nýja íþrótta- og tómstundastefnu og þær áherslur sem þar eru settar um fjölbreytni.

Bæjarstjórn samþykkir endurskoðaða íþrótta- og tómstundastefnu Garðabæjar.

Gunnar Einarsson, bæjarstjóri fjallaði um frumvarp að fjárhagsáætlun og lagði fram eftirfarandi tillögur um breytingar við frumvarpið

Gjaldskrárbreytingar - þjónustugjöld -15.000.000

Alþjóðaskólinn -1.500.000

Afsláttur eldri borgara af fasteignaskatti -2.000.000

Jöfnunarsjóður sveitarfélaga 47.000.000

Skammtímavistun Móaflöt -3.000.000

Húsaleigubætur -4.000.000

Svæðisskipulag höfuðborgarsvæðis -2.200.000

Gjöld vegna skipulagsbreytinga -1.000.000

Biðlistagjöld dagmæður -10.000.000

Ljósmyndasafn 1.200.000

Mannréttinda- og forvarnanefnd - lýðræðismál 1.000.000

Hvatapeningar hækkun 6.000.000

Samkeppni um aðkomutákn og rammaskipulag 6.000.000

Lækkun álagningarhlutfalls fasteignaskatts 13.000.000

Afmælisnefnd - 40 ára afmæli Garðabæjar 2016 10.000.000

Samningur um rekstur valla - hækkun 3.400.000

Varasjóður - hækkun 40.000.000

Bæjarstjóri gerði grein fyrir breytingum á tillögu að framkvæmdayfirliti en gert er ráð fyrir að heildarframkvæmdir á árinu 2016 verði 1.238.000.000 sem er hækkun um kr. 208.000.000 frá frumvarpi.

Þá lagði bæjarstjóri fram eftirfarandi tillögu um álagningu gjalda.

„Fasteignaskattur skal vera 0,235% af fasteignamati íbúða og íbúðarhúsa ásamt lóðarréttindum, erfðafestulanda og jarðeigna, sbr. a-lið 3. gr. laga um tekjustofna sveitarfélaga nr. 4/1995.

Fasteignaskattur skal vera 1,65% af öðrum fasteignum, sem metnar eru í fasteignamati, sbr. c-lið 3. gr. laga um tekjustofna sveitarfélaga nr. 4/1995.

Leigugjald á íbúðarhúsalóðum Garðabæjar skal vera 0,4% af fasteignamati lóðar og er þá ekki nýtt að fullu heimild bæjarins sem er 1,0%, samkvæmt niðurstöðu í matsgerð dómkvaddra manna.

Leigugjald á atvinnuhúsalóðum Garðabæjar skal vera 1,0% af fasteignamati lóðar, samkvæmt niðurstöðu í matsgerð dómkvaddra manna.

Vatnsgjald skal vera 0,11% af fasteignamati húsa ásamt lóðarréttindum, sbr. heimild í reglugerð um vatnsveitur.

Aukavatnsskattur skal á árinu 2016 vera 22,6 kr/tonn m.v. BVT í des 2013.

Á Álftanesi skal vatnsgjald vera samkvæmt Gjaldskrá Orkuveitu Reykjavíkur sem innheimtir vatnsgjald samkvæmt samningi.

Holræsa- og rotþróargjöld skulu vera 0,12% af fasteignamati húsa ásamt lóðarréttindum, sbr. samþykkt um fráveitu í Garðabæ nr. 282/2005.

Á Álftanesi skal rotþróargjald vera kr. 27.700.

Sorphreinsigjald skal vera kr. 22.900 á hverja íbúð.

Taðþróargjöld í hesthúsahverfi Andvara skulu vera kr. 273.100 á hvert hús.

Fasteignaskattur og holræsagjald sem tekjulágum elli- og örorkulífeyrisþegum er gert að greiða skal lækka að teknu tilliti til viðmiðunartekna. Bæjarstjórn samþykkir að fela bæjarráði að ákvarða viðmiðunartekjur samkvæmt reglum um lækkun fasteignaskatts elli- og örorkulífeyrisþega.

Gjalddagar fasteignagjalda á árinu 2016 verða 15. janúar, 15. febrúar, 15. mars, 15. apríl, 15. maí, 15. júní, 15. júlí, 15. ágúst, 15. september og 15. október.“

Steinþór Einarsson, tók til máls og lagði fram eftirfarandi bókun:

„Við gerð fjárhagsáætlunar fyrir tveimur árum talaði ég um hve ánægjulegt það væri að gjaldskrár þjónustugjalda myndu ekki hækka líkt og önnur sveitarfélög ætluðu að gera til að sporna við verðbólgu. Við gerð þessarar fjárhagsáætlunar er hins vegar gert ráð fyrir hækkunum á þjónustugjöld, sem ég minni á að eru með þeim hærri á höfuðborgarsvæðinu. Nú berast fréttir frá öðrum sveitarfélögum að jafnvel sé verið að lækka leikskólagjöld.

Það er ánægjulegt að sjá hve vel hefur tekist til við sameiningu sveitarfélaganna hvort heldur er á fjárhagslegan mælikvarða eða þegar aðrir mælikvarðar eru notaðir. Nú er vinna í gangi við gerð nýs aðalskipulags fyrir sameinað sveitarfélag og í því felast mörg spennandi tækifæri.

Vinna er hafin við samkeppni um skipulag á Lyngásreitnum sem er mjög spennandi en Garðabær þarf virkilega að vinna að því að ungt fólk finni eignir sem þeim hentar til að geta hafið búskap í Garðabæ. Öll umgjörð svo sem þjónustugjöld á barnafjölskyldur skipta þar einnig verulegu máli. Meðalaldur íbúa Garðabæjar hefur hækkað verulega og spár sýna að hann mun halda áfram að hækka, því þarf að vinna að því að ungt fólk hafi tækifæri til að búa í Garðabæ.

Undanfarin ár hefur verið vel staðið að atvinnumálum skólafólks, Þessum peningum er vel varið, því ekki eingöngu er þetta mikil forvörn sem felst í því að útvega ungmennum atvinnu yfir sumartímann, heldur liggur alltaf mikið eftir vinnu hópanna í lok sumars. Garðabær þarf því að standa vaktina gagnvart ungu fólki hér eftir sem hingað til.

Mikilvægt er að uppbygging sem hafin er á búsetukjarna fyrir fatlaða, ljúki sem fyrst.

Fjárhagsáætlun Garðabæjar fyrir árið 2016 lítur vel út og í henni felast mörg tækifæri. Mikil uppbygging og endurnýjun er framundan í íþróttamannvirkjum, skólamannvirkjum og gatna- og gangstígagerð.

Vinna þarf hins vegar betur að uppbyggingu opinna svæða í bænum og gera þau áhugaverðari og skemmtilegri.“

Þá lagði Steinþór fram eftirfarandi tillögu.

„Bæjarstjórn Garðabæjar samþykkir að fela bæjarstjóra að koma á starfshópi til að vinna að kortlagningu á viðburðum og uppákomum sem þegar eru í bæjarfélaginu. Einnig að koma með tillögur um hvaða viðburði mætti samþætta og jafnvel gera meira úr, með tilliti til fjölbreyttari og skemmtilegri nýtingu á opnum svæðum og torgum.“

Greinargerð:

Fyrir tveimur árum voru haldnir vel heppnaðir tónleikar á Vífilsstaðatúni. Rætt var um á þeim tíma að þetta gæti orðið árlegur viðburður í Garðabæ. Síðan eru liðin tvö ár án þess að boðið hafi verið upp á viðlíka skemmtun. Ýmsar útfærslur má hugsa sér og jafnvel að þetta væri vísir að bæjarhátíð. Hins vegar má segja að nokkrar bæjarhátíðir séu nú þegar í bæjarfélaginu, svo sem Kvennahlaupið og Jónsmessuhátíð. Hægt væri til dæmis að gera meira úr þeim degi þegar Kvennahlaupið er haldið og mikill fjöldi gesta er í Garðabæ og enda það kvöld með fjölskylduskemmtun.


Halldór Jörgensson, tók til máls og ræddi fjárhagsáætlun. Halldór óskaði eftir upplýsingum og skýringum um nánar tilgreinda liði og þá ræddi Halldór um helstu framkvæmdir samkvæmt framkvæmdayfirliti.

Guðrún Elín Herbertsdóttir tók til máls og ræddi fjárhagsáætlun og lagði fram eftirfarandi bókun.

„Björt framtíð telur að vinnu við fjárhagsáætlun Garðabæjar, sem og framsetningu á henni, sé ábótavant. Drög áætlunarinnar eru eingöngu samin af meirihluta bæjarstjórnar og mikilvægar upplýsingar og fylgigögn eru afhent minnihlutanum með of litlum fyrirvara. Minnihluti bæjarstjórnar kemur í raun ekki nálægt neinni vinnu við áætlanagerðina. Við fáum hana nánast fullbúna í hendurnar. Tilgangur minnihlutans virðist því fyrst og fremst eiga að vera sá að gagnrýna áætlunina. Þegar drög meirihlutans liggja fyrir, eru þau birt með mjög litlum fyrirvara og án ítarlegra gagna eins og t.d. framkvæmdaáætlunar sem við þurftum að biðja sérstaklega um fyrir síðustu umræðu. Meiri skilgreiningu og sundurliðun vantar bæði í fjárhagsáætlun og framkvæmdaáætlun svo betur megi skilja og lesa úr þeim. Við þökkum fyrir að það hefur þó núna nýlega eitthvað verið komið til móts við þá beiðni okkar. Það má líka taka það fram að minnihlutanum er auðvitað velkomið að koma með tillögur um breytingar, en vaninn virðist vera sá að þó að vel sé tekið í þær breytingatillögur, þá eiga þær til að „sofna“ og liggja í dvala sé ekki stanslaust rekið á eftir þeim. Við gagnrýnum harðlega að mjög nauðsynlegar upplýsingar, eins og t.d. nákvæmar hugmyndir meirihlutans um hækkun á gjaldskrám bæjarins séu ekki birtar í dag, þrátt fyrir beiðni okkar um að fá þau gögn mun fyrr. Björt framtíð hvetur meirihluta bæjarstjórnar að tileinka sér starfshætti annarra sveitarfélaga, eins og t.d. Kópavogs, þar sem allir bæjarfulltrúar koma að gerð fjárhags- og framkvæmdaáætlunar frá upphafi.“

María Grétarsdóttir, tók til máls og ræddi fjárhagsáætlun og lagði fram eftirfarandi bókun.

„Líklegt er að skatttekjur Garðabæjar munu hækka um rúmlega 3% í ár frá fyrra ári. Í fjárhagsáætlun er gert ráð fyrir að skatttekjur hækki um tæp 11% á næsta ári og 2% árlega 2017, 2018 og 2019.

Skatttekjur á árinu (2015) hafa ekki aukist í takt við áætlanir sem þó gerðu aðeins ráð fyrir um 4% hækkun frá fyrra ári og er rekstur bæjarins því í járnum í ár þ.e. hugsanlega neikvæður eftir áralangan hallalausan rekstur.

Ef raunhækkun skatttekna bæjarins á milli áranna 2015 og 2016 reynist á svipuðu róli og í ár eða um 3-4% þá verður halli á rekstri bæjarins á næsta ári, miðað við aðrar framlagðar forsendur, um 500 milljónir í stað áætlaðs hagnaðs upp á 60 milljónir.

Fólkið í bænum lýsir yfir áhyggjum af framlögðum áætlunum.“

Gunnar Einarsson, bæjarstjóri, tók til máls að nýju.

Guðrún Elín Herbertsdóttir, tók til máls að nýju.

Áslaug Hulda Jónsdóttir tók til máls um fjárhagsáætlun og þakkaði starfsmönnum bæjarins fyrir þeirra hlut að undirbúningi við gerð áætlunarinnar.

Steinþór Einarsson, tók til máls að nýju.

Sigurður Guðmundsson, tók til máls.

María Grétarsdóttir, tók til máls að nýju

Gunnar Einarsson, bæjarstjóri tók til máls að nýju

María Grétarsdóttir, tók til máls að nýju

Bæjarstjórn samþykkir samhljóða tillögu Steinþórs Einarssonar vegna viðburða.

Bæjarstjórn samþykkir með tíu atkvæðum tillögu um breytingar á frumvarpi að fjárhagsáætlun. María Grétarsdóttir situr hjá.

Bæjarstjórn samþykkir samhljóða tillögum um álagningu fasteignagjalda.

Bæjarstjórn samþykkir samhljóða gjaldskrá vegna sorphirðugjalda.

Bæjarstjórn samþykkir samhljóða gjaldskrá vegna taðþróargjalda.

Bæjarstjórn samþykkir með tíu atkvæðum framkvæmdayfirlit fjárhagsáætlunar. María Grétarsdóttir situr hjá.

Bæjarstjórn samþykkir með tíu atkvæðum frumvarp að fjárhagsáætlun með framkomnum breytingartillögum sem fjárhagsáætlun Garðabæjar fyrir árið 2016 og 2017 ? 2019. María Grétarsdóttir situr hjá.

Niðurstöður rekstrarreiknings fyrir A og B hluta samkvæmt fjárhagsáætlun Garðabæjar fyrir árið 2016-2019 eru:

2016, 2017, 2018, 2019

Tekjur: 11.534.173, 11.683.293, 11.853.293, 12.043.293

Gjöld: 10.448.549, 10.628.167, 10.832.417, 11.070.247

Niðurstaða án fjármagnsliða:

1.085.624, 1.055.126, 1.020.876, 973.046

Fjármunatekjur og (fjármagnsgjöld)

(755.507), (532.582), (464.782), (410.430),

Rekstrarniðurstaða

330.116, 522.544, 556.094, 562.616


Fleira ekki gert.

Undirritun á næstu síðu.