1. (784). fundur

Gunnar Einarsson, bæjarstjóri, ræddi 8. tl. bréf Félags áhugamanna um sögu Bessastaðaskóla o.fl. varðandi aðstöðu á Bjarnastöðum og greindi frá skoðun sem fram hefur farið til að koma á móts við óskir bréfritara. Þá ræddi bæjarstjóri 12. tl., kvörtun íbúa við Lækjarás vegna hljóðvistar frá Hafnarfjarðarvegi.

Gunnar Valur Gíslason, ræddi 8. tl., bréf Félags áhugamanna um sögu Bessastaðaskóla o.fl. varðandi aðstöðu á Bjarnastöðum.

Fundargerðin sem er 15 tl. er samþykkt samhljóða.

Sigríður Hulda Jónsdóttir, kvaddi sér hljóðs og lagði fram eftirfarandi tillögu.

„Bæjarstjórn Garðabæjar samþykkir í tilefni af 40 ára afmæli sveitarfélagsins að kynna hina fornu leið, Fógetastíg í Gálgahrauni. Fógetastígurinn var allt fram á síðustu áratugi 19. aldar alfaraleið gangandi og ríðandi manna vestur á Álftanes og er einnig kallaður Álftanesgata. Einnig verði horft til svokallaðs Sakamannastígs sem lá frá Fógetastígnum að Gálgaklettum og annarra fornra leiða í hrauninu.“

Greinargerð:

Gálgahraun var friðlýst árið 2009. Í framhaldi af því var Fógetastígurinn stikaður ásamt því að sett voru upp fræðsluskilti með kortum sem sýna legu hans. Í dag sjást greinilegir troðningar þar sem stígurinn lá á kafla en annars staðar er leiðin óljós. Vegna friðlýsingarinnar er ekki gert ráð fyrir óafturkræfum framkvæmdum við stíginn en að unnið verði markvisst að því að gera hann greiðfærari fyrir almenning til útivistar.

Í Sögu Garðabæjar eftir Steinar J. Lúðvíksson segir m.a. um Fógetastíginn:

Alfaraleið út á Álftanes hófst við Hraunsvik. Þaðan var haldið út á úfið hraunið og hefur sú leið ekki verið greiðfær í fyrstu en smám saman tróðust slóðir sem urðu sæmilega sléttar og vel færar fyrir gangandi og ríðandi menn. Þessi slóði nefndist Álftanesgata en fékk fleiri nöfn þegar tímar liðu og er nú oftast nefndur Fógetagata? Á löngum köflum leiðarinnar sjást djúpir troðningar sem eru eins og geil í hraunið um, 1 metra djúp og 1-2 metra breið. Ber slóðinn það með sér að hafa verið fjölfarinn.

Gálgahraun er nyrsti hluti svokallaðra Búrfellshrauna sem runnu frá eldstöðinni Búrfelli fyrir rúmum 7000 árum. Verndargildi Gálgahrauns liggur ekki síst í því hversu ósnortið það er þótt það sé orðið algróið fjölbreyttum gróðri. Í hrauninu eru margar menningarminjar, þ.á.m. fornar leiðir, Garðastekkur í hraunjaðrinum og aftökustaðurinn Gálgaklettur.

Á 40 ára afmælisári Garðabæjar er vel við hæfi að vekja athygli á Gálgahrauni og þeim minjum sem þar er að finna. Fógetastígurinn hefur ekki síst það gildi fyrir Garðbæinga í dag að vera forn leið sem tengir saman sveitarfélögin tvö Álftanes og Garðabæ, sem nú hafa sameinast í eitt. Sögulegt gildi stígsins er auk þess ótvírætt.

Til að kynna Fógetastíginn verði m.a. boðið til gönguferðar með leiðsögn eftir stígnum, frá Hraunsviki út á Álftanes. Einnig verði gefinn út fræðslubæklingur á pappír og/eða rafrænu formi til að miðla sögulegum upplýsingum til almennings, ferðamanna og skólahópa sem njóta þess að fara um svæðið. Þegar eru til fornleifaskráningar, rannsókn og örnefnalýsingar um svæðið unnar af Ragnheiði Traustadóttur fornleifafræðingi. Sú vinna mun nýtast sem grunnur að texta í fræðslubækling. Fleiri leiðir til að kynna stíginn og aðrar minjar í Gálgahrauni verði skoðaðar þegar líður á árið.

María Grétarsdóttir, kvaddi sér hljóðs og ræddi framkomna tillögu.

Jóna Sæmundsdóttir, kvaddi sér hljóðs og ræddi framkomna tillögu.

Áslaug Hulda Jónsdóttir, kvaddi sér hljóðs og ræddi framkomna tillögu. Áslaug Hulda ræddi einnig störf afmælisnefndar og greindi frá hugmyndum um viðburði á árinu í tilefni afmælis bæjarins.

Steinþór Einarsson, kvaddi sér hljóðs og ræddi framkomna tillögu. Þá ræddi Steinþór störf afmælisnefndar og lagði fram eftirfarandi fyrirspurn.

„Í janúar á síðasta ári var tillögu undirritaðs þess efnis, - að bæjarstjórn Garðabæjar samþykkti að skipa starfshóp sem hefði það hlutverk að fylgja eftir tillögu um byggingu minjaskála við Hofsstaði, sem samþykkt var á fundi bæjarstjórnar í ársbyrjun 2001 - vísað til bæjarráðs. Bæjarráð samþykkti síðan að menningar- og safnanefnd tæki hlutverk starfshópsins og fylgdi tillögunni eftir.

Hver er staðan á vinnu menningar- og safnanefndar og hvenær má eiga von á tillögum?“

Gunnar Valur Gíslason, kvaddi sér hljóðs og ræddi framkomna tillögu. Þá ræddi Gunnar Valur framkomna fyrirspurn og gerði grein fyrir umfjöllun menningar- og safnanefndar varðandi tillögu um byggingu minjaskála.

Gunnar Einarsson, bæjarstjóri, kvaddi sér hljóðs og ræddi framkomna tillögu. Þá ræddi bæjarstjóri framkomna fyrirspurn.

Bæjarstjórn samþykkir samhljóða tillögu um kynningu á Fógetastíg.

Fundargerðin er lögð fram.

Fundargerðin er lögð fram.

Fundargerðin er lögð fram.

Fundargerðin er lögð fram.

Áslaug Hulda Jóndóttir, ræddi 1. tl., tilnefningu á íþróttakonu og íþróttakarli Garðabæjar og vakti athygli á verðlaunahátíð í Ásgarði 10. janúar nk.

Fundargerðin er lögð fram.

Jóna Sæmundsdóttir, ræddi 3. tl., samstarf við Sorpu bs. og sagði frá fyrirhugaðri kynningu og vettvangsskoðun á vegum Sorpu fyrir bæjarfulltrúa aðildarsveitarfélaganna.

María Grétarsdóttir, ræddi 1. tl., stefnumótun stjórnar.

Gunnar Einarsson, bæjarstjóri, ræddi 1. tl., stefnumótun stjórnar og sagði frá vinnu við gerð nýs samstarfsamning við mennta- og menningarmálaráðuneytið um starfsemi safnsins.

Fundargerðin er lögð fram.

Sigurður Guðmundsson, ræddi rekstur skíðasvæða í Bláfjöllum og fyrirkomulag varðandi opnun svæðisins.

Gunnar Einarsson, bæjarstjóri, ræddi sama mál.

Fundargerðin er lögð fram.

Fundargerðin er lögð fram.

Steinþór Einarsson, ræddi 1. tl., samstarfsamning um þróun hraðlestar milli Keflavíkurflugvallar og höfuðborgarsvæðisins.

Gunnar Einarsson, bæjarstjóri ræddi sama mál og gerði grein fyrir umræðu um málið í stjórn SSH.

Fundargerðin er lögð fram.

Gunnar Valur Gíslason, ræddi 1. tl., kjarasamning við Starfsmannafélag Reykjavíkur, 2. tl., framkvæmd fjárhags- og starfsáætlunar, 7. tl., virðisaukaskatt af aðilum í ferðaþjónustu, 8. tl., fjárframlag ríkisins og 12. tl., skýrslu framkvæmdaráðs ferðaþjónustu fatlaðs fólks.

Fundargerðin er lögð fram.

Á fundi skipulagsnefndar var málinu vísað til frekari skoðunar hjá tækni- og umhverfisviði og liggur því ekki fyrir fundinum tillaga til afgreiðslu.

Afgreiðslu frestað.

Bæjarstjórn samþykkir tillögu skipulagsnefndar um að auglýsa tillögu að breytingu á aðalskipulagi Garðabæjar vegna Kauptúns eins og mælt er fyrir um í 1. mgr. 31.gr. skipulagslaga en áður skal tillagan send til athugunar hjá Skipulagsstofnun samkvæmt 3.mgr.30.gr. sömu laga.

Tillagan gerir ráð fyrir eftirfarandi breytingum:

Að verslunar- og þjónustusvæðið Kauptún verði afmarkað með sama hætti og í gildandi deiliskipulagi. Mörk landnotkunarreitsins færast við það lítillega til austurs upp í reit U-3 og reiturinn U-1 verður 27,5 h í stað 26,3. Reitur U-3 minnkar að sama skapi.

Að heildarbyggingarmagn svæðisins verði aukið úr 61.200 m2 í 80.000 m2. Nýtingarhlutfall hækkar við það úr 0.23 í 0.29.

Að kröfur um bílastæði verði felldar út og að þær verði ákveðnar í deiliskipulagi.

Sigurður Guðmundsson, kvaddi sér hljóðs og ræddi framkomna tillögu og gerði nánari grein fyrir umfjöllun skipulagsnefndar um tillögur að breytingum á skipulagi í Kauptúni. Sigurður lagði fram eftirfarandi bókun.

„Í tilefni af bókun fulltrúa Bjartrar framtíðar í skipulagsnefnd við afgreiðslu á tillögu að breytingu á aðalskipulagi Garðabæjar vegna Kauptúns er rétt að fram komi að á fundi bæjarstjórnar sem haldinn var 3. desember s.l. var samþykkt að kynna tillöguna í samræmi við ákvæði skipulagslaga en áður hafði bæjarstjórn samþykkt sérstaka lýsingu á verkefninu sem jafnframt hefur verið kynnt.

Að lokinni kynningu tillögunnar ber samkvæmt 3. mgr. 30. gr. skipulagslaga að leggja hana fyrir sveitarstjórn til afgreiðslu. Í þeirri afgreiðslu felst að auglýsa tillöguna og gefa þeim sem hagsmuna eiga að gæta tækifæri til að gera formlegar athugasemdir við tillöguna innan ákveðins frests.

Að þeim fresti liðnum er tillagan tekin fyrir að nýju í bæjarstjórn og í umfjöllun bæjarfulltrúa um tillöguna skal tekin afstaða til einstakra athugasemda eða annarra þátta. Á því stigi er lagt mat á það hvort samþykkja eigi tillöguna, hafna henni eða samþykkja með breytingum.

Það er því alveg ljóst að málsmeðferð tillögunnar er í samræmi við ákvæði skipulagslaga og á þessu stigi eðlilegt að auglýsa tillöguna með formlegum hætti, kalla eftir athugasemdum. Í framhaldi mun fara fram umfjöllun um tillöguna á grundvelli skipulagslaga í anda lýðræðislegra vinnubragða og vandaðra stjórnsýsluhátta.“

Steinþór Einarsson, kvaddi sér hljóðs og ræddi framkomna tillögu.

Guðrún Elín Herbertsdóttir, kvaddi sér hljóðs og ræddi framkomna tillögu og lagði fram eftirfarandi tillögu um frestun á afgreiðslu málsins.

„Björt framtíð leggur til að afgreiðslu á breytingum á aðalskipulagi Kauptúns verði frestað og vísað aftur til skipulagsnefndar til frekari vinnslu.“

Greinagerð:

Björt framtíð telur að fyrirvari til að kynna sér gögn sem tengjast breytingu á aðalskipulagi vegna breytinga á skipulagi Kauptúns sé of stuttur til að hægt sé að taka upplýsta afstöðu til málsins að svo stöddu. Mikið magn ítarlegra gagna er varða málið voru fyrst aðgengileg í fundargátt rúmum sólarhring fyrir fund skipulagsnefndar og innan við tveimur sólarhringum fyrir fund bæjarstjórnar. Það getur síðan ekki talist eðlilegt að taka eigi fyrir fundargerð skipulagsnefndar í bæjarstjórn örfáum klukkutímum eftir að hún er samin og birt og án þess að hún hafi verið tekin fyrir í bæjarráði. Slík vinnubrögð ganga þvert gegn siðareglum og skyldu okkar til að hafa í heiðri gagnsæja og upplýsta ákvarðanatöku. Fram kom á fundi skipulagsnefndar í morgun að eitthvað af gögnunum séu ekki fullkláruð, sumar upplýsingar þar séu rangar og að fyrirhugað sé að nefndin fundi aftur um þetta mál í næstu viku. Það er því nokkuð augljóst að gefa þarf fólki meiri tíma til að skoða þetta áður en það er stokkið til að afgreiða þetta í bæjarstjórn. Stöndum vel og vandlega að verki í þessu máli eins og öðrum.

Sigurður Guðmundsson, kvaddi sér hljóðs og ræddi framkomna tillögu um frestun málsins.

María Grétarsdóttir, kvaddi sér hljóðs og ræddi framkomna tillögu um breytingu á aðalskipulagi.

Steinþór Einarsson, kvaddi sér hljóðs og ræddi framkomnar tillögur.

Guðrún Elín Herbertsdóttir, tók til máls að nýju.

Gunnar Einarsson, kvaddi sér hljóðs og ræddi framkomnar tillögur.

Sigurður Guðmundsson, tók til máls að nýju.

Halldór Jörgensson, kvaddi sér hljóðs og ræddi framkomnar tillögur.

Guðrún Elín Herbertsdóttir tók til máls að nýju.

Tillaga um frestun málsins er felld með 7 atkvæðum (SHJ,ÁHJ,GE,GVG,SG,SÞ,JS) gegn tveimur (HJ,GEH). Tveir sitja hjá (SE,MG).

Tillaga um að auglýsa breytingu á aðalskipulagi Garðabæjar vegna Kauptúns var samþykkt með átta atkvæðum (SHJ,ÁHJ,GE,GVG,SG,SÞ,JS,SE). Tveir greiddu atkvæði gegn tillögunni (HJ,GEH), MG situr hjá.