19. (821). fundur

Steinþór Einarsson, ræddi 5. tl., afgreiðslu skipulagsnefndar varðandi umsókn ÁTVR um opnun vínbúðar í Kauptúni. Steinþór lagði til að bæjarstjórn sammæltist um að senda ÁTVR erindi þar sem hvatt verði til opnunar á sérverslun með létt vín í miðbæ Garðabæjar.

Gunnar Einarson, bæjarstjóri, ræddi 5. tl., afgreiðslu skipulagsnefndar varðandi umsókn ÁTVR um opnun vínbúðar í Kauptúni og sagði frá viðræðum við forsvarsmenn ÁTVR um opnun sérverslunar í miðbæ Garðabæjar. Bæjarstjóri lagði til að tillögu Steinþórs verði vísað til bæjarráðs.

Fundargerðin sem er 18 tl., er samþykkt samhljóða.

Áslaug Hulda Jónsdóttir, ræddi 11. tl., vinnuumhverfi ? viðbrögð gagnvart kynferðisofbeldi og áreiti á vinnustöðum og lagði fram eftirfarandi tillögu sem hún flytur ásamt Sturlu Þorsteinssyni.

„Bæjarstjórn Garðabæjar samþykkir, í kjölfar #metoo byltingar hér á landi og um heim allan, að Garðabær fylgi á eftir með enn frekari fræðslu fyrir starfsmenn og ungmenni í Garðabæ en hingað til hefur verið gert. Forstöðumenn sveitarfélagsins fá fræðslu, leiðbeiningar og ráðgjöf um málaflokkinn. Bæjarstjórn samþykkir að auk þess muni Garðabær styðja við frjáls félög í sveitarfélaginu með fræðslu og námskeiðshaldi til vitundarvakningar innan félaganna og jafnframt til að efla ferla sem unnið verður eftir ef slík mál koma upp.“

Greinargerð

Með ályktun sinni vill bæjarstjórn Garðabæjar styðja við þá #metoo byltingu sem konur í stjórnmálum á Íslandi hafa leitt undir merkjum ,,Í skugga valdsins“ og sem fleiri hópar hafa fylgt eftir í kjölfarið. Umræðan er mikilvæg og löngu tímabær. Kynferðisleg áreitni og ofbeldi á aldrei að líða.

Garðabær hefur áður sett sér stefnu er varðar einelti, kynferðislega áreitni, kynbundið áreiti og ofbeldi á vinnustað, ásamt viðbragðsáætlun ef slíkt kemur upp.

#metoo er hugarfarsbylting og henni þarf að fylgja eftir. Samhliða þurfa viðbrögð og ferlar að vera eins og best verður á kosið.

Börn og ungmenni eru sérstaklega berskjölduð gegn hvers kyns ofbeldi og því er mikilvægt að horft sé sérstaklega hvernig málum er háttað í skólum sveitarfélagsins og innan frjálsra félagasamtaka þar sem börn og ungmenni eru.

Steinþór Einarsson, ræddi framkomna tillögu.

Áslaug Hulda Jónsdóttir, ræddi að nýju framkomna tillögu.

Gunnar Einarsson, bæjarstjóri, ræddi framkomna tillögu.

Fundargerðin sem er 11 tl., er samþykkt samhljóða.

Steinþór Einarsson, ræddi 2. tl., afgreiðslu skipulagsnefndar varðandi undirbúning framkvæmda við endurbætur á Hafnarfjarðarvegi milli gatnamóta við Vífilsstaðaveg og Lyngás.

Áslaug Hulda Jónsdóttir, ræddi 4. tl., afgreiðslu skipulagsnefndar varðandi tillögu að breytingu á deiliskipulagi Ása og Grunda vegna svæðis við gatnamót Hafnarfjarðarvegar og Lyngáss og hrósaði bæjarstarfmönnum fyrir snögg viðbrögð við að fjarlægja hluta skjólveggjar sem skyggði á umferð gangandi fólks og hjólreiðamanna á gatnamótunum. Þá ræddi Áslaug Hulda stöðu bílastæðamála á Garðatorgi og nauðsyn á samvinnu við lögreglu vegna innbrota í bíla o.fl.

Sigurður Guðmundsson, ræddi 2. tl., afgreiðslu skipulagsnefndar varðandi undirbúning framkvæmda við endurbætur á Hafnarfjarðarvegi milli gatnamóta við Vífilsstaðaveg og Lyngás og 9. tl. afgreiðslu skipulagsnefndar varðandi verkefnalýsingu fyrir deiliskipulagsáfanga á Lyngássvæði.

Sturla Þorsteinsson, ræddi 22. tl., bréf Sorpu bs. varðandi móttöku og flokkun plasts til endurvinnslu og 23. tl., bréf Sorpu bs. varðandi viðræður við Kölku (Sorpeyðingarstöð Suðurnesja) um mögulega sameiningu.

Gunnar Valur Gíslason ræddi 22. tl., bréf Sorpu bs. varðandi móttöku og flokkun plasts til endurvinnslu.

Jóna Sæmundsdóttir, ræddi 22. tl., bréf Sorpu bs. varðandi móttöku og flokkun plasts til endurvinnslu.

Sigríður Hulda Jónsdóttir, ræddi 9. tl., afgreiðslu skipulagsnefndar varðandi verkefnalýsingu fyrir deiliskipulagáfanga á Lyngássvæði og vék að húsnæðismálum Alþjóðaskólans sem nú hefur fengið aðstöðu í Þórsmörk sem er í jaðri skipulagssvæðisins. Sigríður Hulda greindi frá því að skólinn hefur áhuga á að kanna möguleika á varanlegu húsnæði á svæðinu. Þá ræddi Sigríður Hulda 22. tl., bréf Sorpu bs. varðandi móttöku og flokkun plasts til endurvinnslu.

Steinþór Einarsson, ræddi 22. tl., bréf Sorpu bs. varðandi móttöku og flokkun plasts til endurvinnslu.

Sturla Þorsteinsson, ræddi að nýju 22. tl., bréf Sorpu bs. varðandi móttöku og flokkun plasts til endurvinnslu.

Fundargerðin sem er 29 tl., er samþykkt samhljóða.

Sturla Þorsteinsson, ræddi 5. tl., endurskoðun á reglum um fjárhagsaðstoð.

Fundargerðin er lögð fram.

Almar Guðmundsson, ræddi 3. tl., c-lið, hækkun á hvatapeningum. Þá fjallaði Almar um störf dómnefndar vegna mögulegrar starfsemi heilsuræktarstöðvar við Ásgarð.

Sigríður Hulda Jónsdóttir, ræddi 3. tl., c-lið, hækkun hvatapeninga.

Fundargerðin er lögð fram.

Gunnar Valur Gíslason, ræddi 2. og 3. tl., tónlistarviðburði, 4. tl., verkefnin í vetur og 5. tl., minjagarð á Hofsstöðum.

Fundargerðin er lögð fram.

Fundargerðin er lögð fram.

Sigurður Guðmundsson, ræddi 19. tl., umsókn um byggingarleyfi að Hörpulundi 6 og vék að tillögu um nýtt deiliskipulag fyrir Lundahverfi sem hefur verið auglýst.

Fundargerðin er lögð fram.

Sigríður Hulda Jónsdóttir, ræddi 1. tl., menntadag í Garðabæ, 2. tl., niðurstöður samræmdra könnunarprófa í 4. og 7. bekk, 3. tl., húsnæðismál Sjálandsskóla og Alþjóðaskólans og 4. tl., samstarf SSH um símenntun grunnskólakennara er snýr að kennslu nemenda af erlendu bergi.

Almar Guðmundsson, ræddi 4. tl., samstarf SSH um símenntun grunnskólakennara er snýr að kennslu nemenda af erlendu bergi.

Fundargerðin er lögð fram.

Sigríður Hulda Jónsdóttir, ræddi 1. tl., tillögur frá ungmennaþingi.

Fundargerðin er lögð fram.

Fundargerðin er lögð fram.

Fundargerðirnar eru lagðar fram.

Fundargerðirnar eru lagðar fram.

Fundargerðin er lögð fram.

Lagðar fram til afgreiðslu tillögur að setningu eftirfarandi gjaldskráa.

Gjaldskrá tómstundaheimila, gjaldskrá sorphirðu, gjaldskrá taðþróargjalda, gjaldskrá bókasafns, gjaldskrá sundlauga, breytingu á gjaldskrá vatnsveitu og fráveitu.

Bæjarstjórn samþykkir gjaldskrá sorphirðu.

Bæjarstjórn samþykkir gjaldskrá taðþróargjalda.

Bæjarstjórn samþykkir gjaldskrá bókasafns.

Bæjarstjórn samþykkir gjaldskrá sundlauga.

Bæjarstjórn samþykkir breytingu á gjaldskrá vatnsveitu.

Bæjarstjórn samþykkir breytingu á gjaldskrá fráveitu

Lögð fram eftirfarandi tillaga um álagningu fasteignagjalda á árinu 2018.

„Fasteignaskattur skal vera 0,20% af fasteignamati íbúða og íbúðarhúsa ásamt lóðarréttindum, erfðafestulanda og jarðeigna, sbr. a-lið 3. gr. laga um tekjustofna sveitarfélaga nr. 4/1995.

Fasteignaskattur skal vera 1,65% af öðrum fasteignum, sem metnar eru í fasteignamati, sbr. c-lið 3. gr. laga um tekjustofna sveitarfélaga nr. 4/1995.

Leigugjald á íbúðarhúsalóðum Garðabæjar skal vera 0,4% af fasteignamati lóðar og er þá ekki nýtt að fullu heimild bæjarins sem er 1,0%, samkvæmt niðurstöðu í matsgerð dómkvaddra manna.

Leigugjald á atvinnuhúsalóðum Garðabæjar skal vera 1,0% af fasteignamati lóðar, samkvæmt niðurstöðu í matsgerð dómkvaddra manna.

Vatnsgjald skal vera 0,10% af fasteignamati húsa ásamt lóðarréttindum, sbr. heimild í reglugerð um vatnsveitur.

Aukavatnsskattur skal á árinu 2018 vera 25,7 kr/tonn m.v. BVT í des 2017.

Á Álftanesi skal vatnsgjald vera samkvæmt Gjaldskrá Orkuveitu Reykjavíkur sem innheimtir vatnsgjald samkvæmt samningi.

Holræsa- og rotþróargjöld skulu vera 0,11% af fasteignamati húsa ásamt lóðarréttindum, sbr. samþykkt um fráveitu í Garðabæ nr. 282/2005.

Á Álftanesi skal rotþróargjald vera kr. kr. 29.600.

Sorphreinsigjald skal vera kr. 24.450 á hverja íbúð [sjá gjaldskrá].

Taðþróargjöld í hesthúsahverfi Andvara skulu vera kr. 291.400 á hvert hús. [sjá gjaldskrá].

Fasteignaskattur og holræsagjald sem tekjulágum elli- og örorkulífeyrisþegum er gert að greiða skal lækka að teknu tilliti til viðmiðunartekna. Bæjarstjórn samþykkir að fela bæjarráði að ákvarða viðmiðunartekjur samkæmt reglum um lækkun fasteignaskatts elli- og örorkulífeyrisþega.

Gjalddagar fasteignagjalda á árinu 2018 verða 15. janúar, 15. febrúar, 15. mars, 15. apríl 15. maí, 15. júní, 15. júlí 15. ágúst. 15. september og 15. október.“

Tillagan samþykkt samhljóða.

Gunnar Einarsson, bæjarstjóri fjallaði um frumvarp að fjárhagsáætlun og lagði fram eftirfarandi tillögur um breytingar við frumvarpið

Jöfnunarsjóður útgjaldajöfnunarframlag -64.000.000

Jöfnunarsjóður grunnskólaframlag -15.000.000

Jöfnunarsjóður v/sérþarfa fatlaðra -1.200.000

Jöfnunarsjóður Nýbúaframlag -2.100.000

Jöfnunarsjóður málefni fatlaðra -50.000.000

Fasteignaskattur á íbúðarhúsnæði lækkun 34.000.000

Framlag vegna samninga við félög 20.000.000

Fjölskyldusvið ? nýtt stöðugildi 8.800.000

Tækni- og umhverfissvið ? nýtt stöðugildi 8.800.000

Menningarmál 3.000.000

Málefni eldri borgara ? upplýsingarit o.fl. 1.000.000

Leikskólagjöld - lækkun 10.800.000

Skólaskrifstofa ? sérverkefni: velíðan nemenda 7.000.000

Tómstundastarf 10 - 12 ára barna 5.000.000

Hönnunarsafn hækkun á framlagi ríkisins -2.200.000

Slökkvilið höfuðborgarsvæðis 3.189.000

Breyting A-hluti -32.911.000

Niðurstaða A-hluta samkvæmt frumvarpi -110.778.628

Niðurstað A-hluta með breytingum -143.689.628

Fráveitugjald ? lækkun 37.000.000

Vatnsgjald ? lækkun 31.000.000

Breyting B- hluti 68.000.000

Samtals breyting A og B-hluta 35.089.000

Niðurstaða A og B-hluta samkvæmt frumvarpi -544.882.370

Niðurstaða A og B-hluta með breytingum -509.793.370

Steinþór Einarsson, tók til máls og lagði fram eftirfarandi bókun.

„Hér er lögð fram til síðari umræðu fjárhagsáætlun Garðabæjar fyrir árið 2018 ásamt áætlun fyrir árin 2019 til 2021.

Fjárhagsáætlunin fyrir árið 2018 ber þess merki að það styttist í kosningar, sem er svo sem allt í góðu því það er sama hvenær góðar tillögur koma fram þótt betra sé að það dragist ekki of mikið.

Nú á að halda aftur af hækkunum á leikskólagjöldum sem er vel, því það færir okkur nær öðrum sveitarfélögum í þeim efnum.

Hvatapeninga á að hækka verulega eða úr 32.000 krónum í 50.000 krónur fyrir hvert barn. Á síðasta ári þótti ekki svigrúm til meiri hækkunar en úr 30.000 krónum í 32.000 krónur.

Þessar tvær tillögur koma sér afar vel fyrir ungar barnafjölskyldur.

Lækka á álögur fasteignaskatts úr 0,23% í 0,20%, sem ber að fagna en vegna mikillar hækkunar á fasteignamati þá skilar það sér ekki í krónutölulækkun hjá öllum. Til samanburðar þá má geta þess að Reykjavíkurborg var að samþykkja lækkun fasteignaskatts úr 0,20% í 0,18%.

Í framkvæmdaáætlun er afar jákvætt að áfram er m.a. lagt til að fara í verulegar endurbætur gatna og gangstíga ásamt nýframkvæmdum útivistarstíga. Stórar fjárhæðir eru til íþrótta- og skólamannvirkja ásamt framkvæmda við bæjargarð, sem reyndar átti að ljúka fyrir einhverjum kosningum síðan.

Nú stefnir í að framkvæmdir fari að hefjast við búsetuúrræði fyrir fatlað fólk, hins vegar kemur fram í framkvæmdaáætlun að þær framkvæmdir virðast eiga að standa yfir í nokkur ár, eða árin 2018 - 2021.

Nýtt verkefni með sjö milljón króna framlagi er sett inn á skólaskrifstofu varðandi vellíðan nemenda með áherslu á kvíða. Þetta er þarft verkefni og ber að fagna þessari áherslu. Hins vegar er rétt að benda á í þessu samhengi að undirritaður flutti tillögu sem var samþykkt í maí síðast liðnum, þess efnis að hluti sautján milljón króna arðgreiðslu frá Lánasjóði sveitarfélaga færi í verkefni í þágu ungs fólks, meðal annars til að vinna með kvíða.

Fleiri tillögur sem undirritaður hefur flutt að undanförnu eru að koma til framkvæmda eða von er á að komist fljótlega til framkvæmda. Sumar tillögur hafa reyndar verið óvenju lengi í vinnslu.

Í þessari fjárhagsáætlun er eins og fyrr er getið mjög margt gott og því ekki annað hægt en að styðja hana.

María Grétarsdóttir, tók til máls og lagði fram eftirfarandi bókun.

„Bæjarbúar hafa sætt auknum álögum fasteignaskatta sl. 5 ár. Fyrstu áætlanir meirihlutans vegna fasteignaskatts heimila fyrir næsta ár gerðu ráð fyrir lækkun úr 0,23% í 0,21% (70% hækkun frá árinu 2013) en hafa nú verið lækkaðir í 0,20% sem er um 65% hækkun frá árinu 2013, auk lækkunar á vatnsgjaldi og holræsa og rotþróunargjöldum. Fólkið í bænum hefði viljað vinda ofan af þessu álögum og ganga lengra í lækkun fasteignaskatta.

Fólkið í bænum telur mikilvægt að leitað verði hagræðingar í leikskólum bæjarins þannig að svigrúm myndist til lækkunar gjaldheimtu til foreldra. Reynt verði að leita leiða að ráðast í hagræðingar án þess að þjónusta við fjölskyldur í bænum skerðist.

Fagnað er tillögum að hækkun frístundarstyrks barna og ungmenna en jafnframt er Fólkið í bænum orðið langeygt eftir tillögum frá meirihlutanum varðandi skoðun á sambærilegu frístundakorti fyrir eldri borgara sem búið er að vera til skoðunar allt kjörtímabilið.

Samningar eru lausir við kennara, Fólkið í bænum leggur áherslu á að samið verði við þá fljótt og vel og þannig að sómi verði af.

Fjárhagsáætlanagerð Garðabæjar ætti að vera samstarfsverkefni allra bæjarfulltrúa og starfsmanna bæjarins en ekki eingöngu meirihlutans. Fjárhagsáætlun meirihlutans sé þannig ekki einungis kynnt minnihlutanum á tveggja tíma fundi og tekið við ábendingum. Fólkið í bænum kallar eftir breyttum vinnubrögðum og auknu samstarfi við gerð fjárhagsáætlunar bæjarins. Þar sem aðkoma Fólksins í bænum að fjárhagsáætlunargerð ársins 2018 hefur ekki verið meiri en raun ber vitni þá munum við sitja hjá við afgreiðslu hennar.“

Gunnar Valur Gíslason, tók til máls.

Sigríður Hulda Jónsdóttir, tók til máls.

Aslaug Hulda Jónsdóttir, tók til máls.

Gunnar Einarsson, tók til máls að nýju.

Steinþór Einarsson, tók til máls að nýju.

María Grétarsdóttir, tók til máls að nýju.

Gunnar Einarson, tók til mals að nýju.

Sigurður Guðmundsson, tók til máls.

Bæjarstjórn samþykkir með tíu atkvæðum tillögu um breytingar á frumvarpi að fjárhagsáætlun. María Grétarsdóttir situr hjá.

Bæjarstjórn samþykkir með tíu atkvæðum framkvæmdayfirlit fjárhagsáætlunar. María Grétarsdóttir situr hjá.

Bæjarstjórn samþykkir með tíu atkvæðum frumvarp að fjárhagsáætlun með framkomnum breytingartillögum sem fjárhagsáætlun Garðabæjar fyrir árið 2018 og 2019 ? 2021. María Grétarsdóttir situr hjá.

Niðurstöður rekstrarreiknings fyrir A og B hluta samkvæmt fjárhagsáætlun Garðabæjar fyrir árið 2018- 2021 eru:

2018 2019 2020 2021

Tekjur: 14.399.955 14.637.100 14.882.100 15.142.100

Gjöld: 13.209.394 13.441.311 13.763.305 14.097.948

Niðurstaða án fjármagnsliða: 1.190.561 1.195.789 1.118.795 1.044.152

Fjármunatekjur og (fjármagnsgjöld) (680.768) (480.260) (436.055) (442.887)

Rekstrarniðurstaða 509.793 715.529 682.740 601.265

Jóna Sæmundsdóttir kvaddi sér hljóðs og lagði fram eftirfarandi tillögu að samþykkt.

„Með bréfi, dags. 29. desember 2016 sótti Landsnet hf. um framkvæmdaleyfi innan lögsögu Garðabæjar fyrir byggingu Lyklafellslínu. Um er að ræða byggingu háspennulínu 220/400 kV frá Lyklafelli í Mosfellsbæ að Hamranesi í Hafnarfirði. Á móti verða fjarlægðar Hamraneslína 1 og 2, sem liggja frá Geithálsi um Heiðmörk að Hamranesi, og Ísallína 1 og 2, frá tengivirki við Hamranes að álverinu.

Í umsókninni er vísað til 13. og 14. gr. skipulaglaga nr. 123/2010, sbr. 6. og 7. gr. reglugerðar um framkvæmdaleyfi nr. 772/2012.

Umrædd framkvæmd er matskyld samkvæmt lögum um mat á umhverfisáhrifum nr. 106/2000 og er fyrirliggjandi álit Skipulagstofnunar, dags. 17. september 2009 ásamt matsskýrslu Landsnets, dags. 10. ágúst 2009. Framkvæmdin er í samræmi við svæðisskipulag höfuðborgarsvæðisins og aðalskipulag Garðabæjar.

Í málinu liggja fyrir eftirfarandi gögn:

Umsókn Landsnets um framkvæmdaleyfi, dags. 29.12.2016.

Matsskýrsla frá 10.08.2009.

Álit Skipulagsstofnunar, dags. 17.09.2009.

Starfsleyfi heilbrigðiseftirlits, dags. 09.06.2017.

Skýrsla Eflu - lýsing mannvirkja vegna útgáfu framkvæmdaleyfis, dags. í des. 2016.

Skýrsla Landsnets frá febrúar 2017 - fyrirhugaðar framkvæmdir við breytingar 2017-2019 á flutningskerfi við höfuðborgarsvæði.

Skýrsla Eflu um áhættumat vegna vatnsverndar.

Fulltrúar Landsnets hafa kynnt fyrirhugðar framkvæmdir á sameignlegum fundi skipulagsnefndar og umhverfisnefndar sem haldinn var fimmtudaginn 5. október sl. Við kynningu og umfjöllun um málið hefur verið farið yfir áhrif framkvæmdanna á vatnvernd og í starfsleyfi heilbrigðisnefndar eru sett skilyrði um verklag og mengunavarnir. Þá hefur einnig farið fram umræða um möguleika á að leggja jarðstreng en fyrir liggur umsögn Umhverfistofnunar um að stofnunin sé ekki hlynnt lagningu jarðstrengja í hraunum. Í því sambandi er m.a. bent á að loftlínur eru afturkræfari framkvæmdir í hraunum en jarðstrengir sbr. áætlanir um niðurrif Hamraneslínu 1 og 2. Það mat liggur einnig fyrir að lagning jarðstrengs er ekki ásættaleg lausn á þessu svæði m.t.t. hagsmuna vatnsverndar.

Þá var haldinn opin fundur í Sjálandskóla þriðjudaginn 21. nóvember 2017 þar sem fulltrúar Landsnets hf. kynntu fyrirhugaðar framkvæmdir við Lyklafellslína ásamt því sem fulltrúar Náttúrverndarsamtaka Suðvesturlands og Hraunavina kynntu sjónarmið sín og athugasemdir vegna fyrirhugaðrar framkvæmdar við Lyklafellslínu.

Bæjarstjórn samþykkir með vísan til 13. og 14. gr. skipulagslaga, sbr. reglugerð um framkvæmdaleyfi nr. 772/2012 að Landsneti hf. verði veitt framkvæmdaleyfi fyrir Lyklafellslínu innan lögsögu Garðabæjar enda verði framkvæmdin eins og lýst er í framkvæmdaleyfisumsókn, fylgi- og hönnunargögnum, og matskýrslu. Lögð er áhersla á að dregið verði sem kostur er úr neikvæðum áhrifum á umhverfið og framkvæmdaleyfið bundið skilyrðum sem fram koma í matskýrslu Landsnets, áliti Skipulagsstofnunar, leyfi Umhverfisstofnunar og starfsleyfi heilbrigðisnefndar.

Bæjarstjórn bendir á að með lagningu Lyklafellsínu mun Landsnet í framhaldinu sækja um að fjarlægja háspennulínur er liggja um Heiðmörk með þeim áhrifum að háspennulínur færast fjær útivstarsvæðum og mun möstrum í landi Garðabæjar fækka verulega.

Bæjarstjórn er kunnugt um við afgreiðslu málsins að framkvæmdaleyfi sem bæði Hafnarfjarðarbær og Mosfellsbær hafa samþykkt fyrir lagningu Lyklafellslínu hafa verið kærð til úrskurðarnefndar umhverfis- og auðlindamála. Bæjarstjórn lýsir því yfir að hún telji það í samræmi við góða stjórnsýsluhætti að umdeild mál meðal íbúa landsins eins og lagning Lyklafellslínu sæti kæru og fái málsmeðferð og endanlega niðurstöðu með úrskurði æðra stjórnvalds.“

Steinþór Einarsson, tók til máls.

Guðrún Elín Herbertsdóttir, tók til máls.

María Grétarsdóttir, tók til máls og lagði fram eftirfarandi bókun sem er lögð er fram sameiginlega af

bæjarfulltrúum Bjartrar framtíðar, Samfylkingar og Fólksins í bænum.

„Vatnsból höfuðborgarsvæðisins eru meðal mikilvægustu auðlinda þjóðarinnar. Engin skynsamleg rök hafa verið færð fyrir nauðsyn Lyklafellslínu 1 eins og fram kom á íbúafundi með umhverfissamtökum og Landsneti þann 21. nóvember sl. Aðrir kostir en háspennulínur ofanjarðar og utan hættusvæðis vatnsverndar hafa ekki verið kannaðir. Gera þarf áhættu- og kostnaðarmat á öðrum valkostum. Matsskýrsla framkvæmdarinnar er samkvæmt dómi Hæstaréttar ekki lögmætur grundvöllur til veitingar framkvæmdaleyfis. Sveitarstjórnum er skylt samkvæmt skipulagslögum að ganga úr skugga um að framkvæmd sé sú sama og fjallað var um í matsskýrslu. Sveitarstjórnum ber einnig að gæta að almennum hagsmunum íbúa og öðrum almannahagsmunum.

Bæjarfulltrúar Bjartrar framtíðar, Samfylkingar og Fólksins í bænum skora á Sjálfstæðismenn í bæjarstjórn Garðabæjar að krefjast nýrra úrræða frá Landsneti við lausn framangreinds máls og samþykkja ekki framkvæmdaleyfi til byggingar háspennulínu ofanfjarðar um vatnsverndarsvæði höfuðborgarsvæðisins.“

Sigurður Guðmundsson, tók til máls.

Guðrún Elín Herbertsdóttir, kvaddi sér hljóðs að nýju.

Almar Guðmundsson, tók til máls.

Halldór Jörgensson, tók til máls.

Gunnar Valur Gíslason, tók til máls.

Gunnar Einarsson, bæjarstjóri, tók til máls að nýju.

Framkomin tillaga um að veita leyfi til framkvæmda við lagningu Lyklafellslínu er samþykkt með sjö atkvæðum (JS,ÁHJ,SHJ,SG,GVG,SÞ,AG) gegn fjórum (GEH,HJJ,SE,MG).