14. (778). fundur

Gunnar Einarsson, ræddi 2. tl., tilkynningu frá innanríkisráðuneytinu um drög frumvarps um breytingu á lögum um tekjustofna sveitarfélaga og lagði fram eftirfarandi áskorun til samþykktar.

„Bæjarstjórn Garðabæjar skorar á ríkisstjórn Íslands að beita sér fyrir nauðsynlegum breytingum á tekjustofnum sveitarfélaga til að tryggja að þeir séu í samræmi við þau verkefni sem sveitarfélögunum eru falin.“

Greinargerð:

Í stefnumörkun Sambands íslenskra sveitarfélaga 2014-2018 segir: „Sveitarfélögum skulu tryggðir nauðsynlegir tekjustofnar í samræmi við þau verkefni sem þeim eru falin í stjórnarskrá og lögum. Þeir skulu vera nægjanlega fjölþættir og sveigjanlegir í eðli sínu svo þeir geti staðið undir þeirri fjölbreyttu þjónustu sem íbúar þeirra kalla eftir."

Við núverandi aðstæður er vart hægt að halda því fram að tekjustofnar sveitarfélaga standi undir þessum markmiðum. Ennfremur er ljóst að verði ekkert að gert mun rekstrarkostnaður sveitarfélaga hækka langt umfram tekjur þeirra á næstu mánuðum. Verði ekkert að gert munu sveitarfélög illa geta staðið undir hlutverki sínu og skyldum á næstu misserum.

Meðal þeirra breytinga sem brýnt er að gera og nefndar eru í stefnumörkun Sambands íslenskra sveitarfélaga eru:

1. Reglum um endurgreiðslu virðisaukaskatts verði breytt.

Starfsemi sveitarfélaga á ekki að mynda skattstofn fyrir ríkið. Til að koma í veg fyrir það er nauðsynlegt að endurskoða gagngert þær reglur sem gilda um endurgreiðslu virðisaukaskatts af almennri starfsemi og fjárfestingum sveitarfélaga.

2. Öll mannvirki verði háð fasteignamati og jafnframt verði allar undanþágur frá álagningu fasteignaskatts felldar niður. Í þessu samhengi þarf einnig að endurskoða skyldur sveitarfélaga til að láta endurgjaldslaust í té lóðir undir framhaldsskóla, kirkjur/bænahús og sjúkrastofnanir.

3. Sveitarfélög fái hlutdeild í almenna hluta tryggingagjaldsins til að standa undir aukningu á kostnaði við fjárhagsaðstoð og virkniúrræðum fyrir notendur félagsþjónustu sveitarfélaga.

4. Skattkerfisbreytingar sem tryggi að sveitarfélög fái hlutdeild í fjármagnstekjuskatti af arðgreiðslum til eigenda fyrirtækja.

5. Sveitarfélög fái hlutdeild í sköttum af umferð, s.s. bensínskatti og olíugjöldum, til að standa að hluta undir útgjöldum þeirra vegna viðhalds- og stofnkostnaðar við gatna- og vegagerð.

Rétt er að minna á að hlutverk sveitarfélaga er ekki aðeins að veita íbúum sínum þjónustu, þótt það sé vissulega mikilvægt, heldur eru markmið þeirra einnig að stuðla að valddreifingu í samfélaginu, samkeppni, auka hagkvæmni og að styrkja lýðræðið með aukinni þátttöku íbúa. Sveitarfélög gegna þannig lykilhlutverki í lýðræðissamfélögum og er afar brýnt að haga málum þannig að þau geti gegnt því með sóma.

Steinþór Einarsson, ræddi framkomna áskorun. Þá ræddi Steinþór 6. tl., tillögu um að skipa starfshóp til að vinna að ljósleiðarvæðingu.

Bæjarstjórn samþykkir með 10 atkvæðum afgreiðslu byggingarfulltrúa á byggingarleyfi vegna stækkunar á 1. hæð og minniháttar breytingum á byggingu golfskála GKG. Ingvar Arnarson, situr hjá.

Bæjarstjórn samþykkir með 10 atkvæðum að leggja til við bæjarstjórn að samþykkja lýsingu vegna tillögu að nýju deiliskipulagi í Urriðaholti (háholt, viðskiptastræti o.fl.) þar sem fram koma helstu áherslur, upplýsingar um forsendur og fyrirhugað skipulagsferli, sbr. 1. mgr. 40. gr. skipulagslaga nr. 123/2010. Lýsingin skal send Skipulagsstofnun til umsagnar og kynnt almenningi. Ingvar Arnarson, situr hjá.

Áskorun til ríksstjórnar um nauðsynlegar breytingar á tekjustofnum sveitarfélaga er samþykkt samhljóða

Fundargerðin sem er 9 tl. er samþykkt.

Sigurður Guðmundsson, ræddi 12. tl., greinargerð Samtaka um betri spítala um mögulega staðsetningu nýs spítala og lagði fram eftirfarandi tillögu.

„Bæjarstjórn samþykkir að beina því til heilbrigðis- og fjármálaráðherra að kannaðir verið nánar kostir þess að byggja spítala í landi Vífilsstaða. Jafnframt samþykkir bæjarstjórn áskorun til sömu aðila að koma að stefnumótun með bæjaryfirvöldum um landnotkun Vífilsstaðasvæðisins í tengslum við endurskoðun aðalskipulags Garðabæjar fyrir tímabilið 2016-2030.“

Þá lagði Sigurður Guðmundsson fram eftirfarandi tillögu:

„Bæjarstjórn samþykkir að fela bæjarstjóra að ræða við Lögregluna á höfuðborgarsvæðinu um aukinn sýnileika löggæslu í Garðabæ. Jafnframt samþykkir bæjarstjórn að fela bæjarstjóra að fara aftur af stað með fundarherferð tengda nágrannavörslu í Garðabæ og samhliða að kanna heimildir og kostnað við að setja upp færanlegar eftirlitsmyndavélar við innakstur hverfi bæjarins.“

Steinþór Einarsson, ræddi 12. tl., greinargerð Samtaka um betri spítala um mögulega staðsetningu nýs spítala og framkomna tillögu. Steinþór ræddi einnig tillögu um sýnileika löggæslu og nágrannavörslu.

Jóna Sæmundsdóttir, ræddi 12. tl., greinargerð Samtaka um betri spítala um mögulega staðsetningu nýs spítala og framkomna tillögu. Þá ræddi Jóna um tillögu um sýnileika löggæslu og nágrannavörslu og 16. tl., velferð barna í Garðabæ.

Súsanna Vilhjálmsdóttir, ræddi tillögu um sýnileika löggæslu.

Halldór Jörgensson, ræddi 12. tl.,greinargerð Samtaka um betri spítala um mögulega staðsetningu nýs spítala og framkomna tillögu.

Steinþór Einarsson, ræddi að nýju 12. tl., greinargerð Samtaka um betri spítala um mögulega staðsetningu nýs spítala og framkomna tillögu.

Gunnar Valur Gíslason, ræddi 12. tl., greinargerð Samtaka um betri spítala um mögulega staðsetningu nýs spítala og framkomnar tillögur. Þá ræddi Gunnar Valur 13., tl., bréf Vegagerðarinnar varðandi yfirfærslu veghalds Álftanesvegar og 17. tl., bréf UMF Stjörnunnar varðandi afnot af íþróttahúsinu Ásgarði til samkomuhalds. Gunnar Valur vék að þessu tilefni að ráðstefnu á vegum Kvenfélags Álftaness sem haldin var í íþróttahúsi Álftaness til að minnast 100 ára afmæli kosningarréttar kvenna. Gunnar Valur færði kvenfélaginu þakkir fyrir vel heppnaða ráðstefnu.

Ingvar Arnarson, ræddi 12. tl., greinargerð Samtaka um betri spítala um mögulega staðsetningu nýs spítala og framkomnar tillögur.

Sigurður Guðmundsson, ræddi að nýju framkomnar tillögur.

Gunnar Einarsson, ræddi tillögu um sýnileika löggæslu og nágrannavörslu.

Áslaug Hulda Jónsdóttir, ræddi 5. tl., skýrslu um jafnt búsetuform barna sem búa á tveimur heimilum.

Sigríður Hulda Jónsdóttir, ræddi 15. tl., greinargerð um verkferla við útskrift nemenda úr grunnskóla og inngöngu í framhaldsskóla

Bæjarráð samþykkir afgreiðslu byggingarfulltrúa að veita byggingarleyfi vegna framkvæmda við nýbyggingu parhúss við Bæjargötu 2 og 4. Ingvar Arnarson, situr hjá.

Bæjarráð samþykkir afgreiðslu byggingarfulltrúa að veita byggingarleyfi vegna breytinga á einbýlishúsi við Þrastanes 24. Ingvar Arnarson, situr hjá.

Tillaga um sýnileika löggæslu og nágrannavörslu var samþykkt samhljóða.

Tillaga um að huga að byggingu spítala og annarri uppbyggingu í landi Vífilsstaða samþykkt samhljóða.

Fundargerðin sem er 17 tl. er samþykkt samhljóða.

Steinþór Einarsson, ræddi 5. tl., framkvæmdir við íþróttamannvirki og 6. tl., opnunartíma í Álftaneslaug. Steinþór lagði fram eftirfarandi fyrirspurn.

„Í maí á síðasta ári var samþykkt tillaga undirritaðs þess efnis, að bæjarstjórn Garðabæjar samþykkti að fela bæjarstjóra að gera kostnaðaráætlun á gerð strandblakvalla í Garðabæ og koma með tillögu að staðsetningu þeirra við Ásgarðssvæðið og á Álftanesi.

Hver er staðan á verkefninu og hvenær má eiga von á tillögum og verklokum.“

Sigurður Guðmundsson, ræddi 5. tl., framkvæmdir við íþróttamannvirki.

Gunnar Einarsson, ræddi 6. tl., opnunartíma í Álftaneslaug

Haldór Jörgensson, ræddi 4. tl., gúmmíkurl á leikvöllum

Steinþór Einarsson, ræddi 4. tl., gúmmíkurl á leikvöllum

Fundargerðin lögð fram.

Fundargerðin lögð fram.

Gunnar Einarsson, bæjarstjóri, ræddi 1. tl. opinn íbúafund og lagði fram eftirfarandi tillögu:

Bæjarstjórn samþykkir að fela bæjarstjóra að semja reglur á grundvelli 1. mgr. 46. gr. sveitarstjórnarlaga nr. 138/2010 um að fundir fastanefnda bæjarstjórnar Garðabæjar verði almennt haldnir i heyrandi hljóði og opnir. Í reglunum skulu sett ákvæði um meðferð óska um opna fundi og skilyrði þess að heimilt sé að halda opna fundi.

Greinargerð:

Í Lýðræðisstefnu Garðabæjar segir m.a.: „Lýðræði og virkt samráð er einn af hornsteinum stjórnkerfisins í Garðabæ." Eitt af markmiðum stefnunnar er jafnframt að stuðla að auknum áhuga og þekkingu íbúa Garðabæjar á málefnum sveitarfélagsins.

Í nefndum bæjarins er fjallað um ólíka málaflokka sem tengjast þjónustu bæjarins og nærumhverfi íbúa. Þar eru mál lögð fram, tekist á um þau samkvæmt ákveðnum leikreglum og ákvarðanir teknar. Opinn aðgangur bæjarbúa að fundum nefnda væri vel til þess fallinn að auka áhuga og þekkingu á málefnum sveitarfélagsins og um leið til að styrkja lýðræðið. Það er því æskilegt að nefndarfundir séu opnir að því marki sem lög og málefnaleg sjónarmið leyfa.

Í 46. gr. sveitarstjórnarlaga segir: “Fundir nefnda skulu almennt haldnir fyrir luktum dyrum. Nefnd er heimilt að opna fundi sína komi fram ósk um slíkt svo fremi sem lög eða eðli máls hamli því ekki. Sveitarstjórn skal setja reglur um meðferð óska um opna fundi nefnda þar sem fram komi skilyrði opnunar."

Skýrar reglur um opna fundi eru til þess að auðvelda íbúum að setja fram ósk um opna fundi. Í reglunum skal vera ákvæði um að nefndarfundir og dagskrá þeirra séu auglýstir á vef Garðabæjar um leið og fundur nefndarinnar er boðaður. Á vefnum skal vera einfalt vefform sem hægt er að fylla út til að óska eftir því að viðkomandi fundur verði opinn.

Almenna reglan um meðferð óska um opna fundi verði að við þeim sé orðið nema lög hamli slíku eða formaður hafi málefnalegar ástæður til að hafna óskinni.

Sturla Þorsteinsson, ræddi framkomna tillögu og vakti athygli á sérstöðu fjölskylduráðs í sambandi við skilyrði fyrir opnum nefndarfundum.

Tillaga um að fela bæjarstjóra að semja drög að reglum um opna nefndarfundi samþykkt samhljóða.

Fundargerðin lögð fram.

Fundargerðin lögð fram.

Sigurður Guðmundsson, ræddi 7. tl., tillögu að breytingu aðalskipulags og deiliskipulags vegna Heiðmerkur

Fundargerðin lögð fram.

Jóna Sæmundsdóttir, ræddi 1. tl., opnun tilboða í grenndargáma.

Súsanna Vilhjálmsdóttir, ræddi 1. opnun tilboða grenndargáma og þjónustu í því sambandi.

Jóna Sæmundsdóttir, tók til máls að nýju.

Fundargerðin lögð fram.

Gunnar Valur Gíslason, ræddi 1. tl., fjárhagsáætlun 2016, 2. tl. forgang fyrir strætisvagna í umferðinni og 3. tl., skólakstur fatlaðra barna.

Steinþór Einarsson, ræddi 1. tl., fjárhagsáætlun 2016 og lagði fram eftirfarandi bókun:

„Fyrir fjórum árum lagði undirritaður fram tillögu þess efnis, að bæjarstjórn Garðabæjar samþykkti að fela bæjarstjóra að gera úttekt á fjölda stoppistöðva strætisvagna í bænum og hve mikill fjöldi þeirra væri með strætóskýli. Kanna átti kostnað við fjölgun strætóskýla og gera áætlun til næstu ára um fjölgun þeirra. Í ljós kom að afar fá strætóskýli eru í bænum og hefur þeim fjölgað lítið síðan.

Við gerð fjárhagsáætlunar 2014 flutti undirritaður tillögu þess efnis, að bæjarstjórn Garðabæjar samþykkti að fela bæjarstjóra að vinna að áætlun sem miðaði að fjölgun strætóskýla í bænum. Tillögurnar voru samþykktar en lítið hefur miðað í fjölgun strætóskýla.“

Þá ræddi Steinór 2. tl., forgang fyrir strætisvagna í umferðinni og spurði um vinnu stjórnar Strætó með erlendum sérfræðingi sem nýlega hélt fyrirlestur á ráðstefnu um samgögnumál.

Sigurður Guðmundsson, tók til máls og ræddi um fyrirlestur sérfræðings á vegum Strætó.

Gunnar Valur Gíslason, ræddi sama mál og svaraði fyrirspurn.

Fundargerðin lögð fram.