Tákn með tali nám­skeið

Tákn með tali (TMT) – námskeið Garðabær stendur fyrir námskeiði í Tákn með tali (TMT) þriðjudaginn 6. maí kl. 19.30–21.00. Kristín Th. Þórarinsdóttir, talmeinafræðingur heldur námskeiðið. Námskeiðið er opið öllum áhugasömum.

Tákn með tali (TMT) er tjáskiptaaðferð sem nýtist fólki á öllum aldri, og sérstaklega börnum og fullorðnum sem glíma við tal- og/eða málerfiðleika. Aðferðin getur einnig verið gagnleg í fjölmenningarlegu umhverfi, til dæmis í leik- og grunnskólum. Farið verður yfir grunnatriði TMT og hvernig aðferðin getur stutt samskipti og málþroska í daglegu lífi. TMT er málörvandi fyrir öll ung börn. Foreldrar og kennarar ungra barna er hvattir til að kynnast aðferðinni og tileinka sér hana sem einfalt og skemmtilegt málörvunartæki sem getur hjálpað þeim sem á því þurfa að halda.