Beint í efni

Raf­ræn­ir reikn­ingar

Hér finnur þú upplýsingar um hvernig söluaðilar geta sent reikninga til Garðabæjar.

Garðabær tekur á móti rafrænum reikningum og hvetur söluaðila til þess að senda reikninga með rafrænum hætti.

Mælt er með að söluaðilar gefi út reikninga í sínum kerfum á svokölluðu XML formi og miðli í gegnum skeytamiðlara. Bókhaldsdeild Garðabæjar sér um að taka við reikningum á rafrænu formi fyrir hönd stofnana bæjarins. Þjónustuaðilar fjárhagskerfa og skeytamiðlarar veita ráðgjöf um útgáfu og miðlun rafrænna reikninga.

Garðabær tekur við reikningum í gegnum eftirfarandi skeytamiðlun:
https://gardabaer.peppol.is/

Söluaðilar án bókhaldskerfis

Aðilum sem eru án bókhaldskerfis er bent á, að á markaði er allskyns bókhaldsþjónusta í boði og ýmis bókhaldskerfi á vefnum sem rekstraraðilar geta nýtt sér til að senda rafræna reikninga.

Ef bókhalds og sölukerfi eru ekki tengd við skeytamiðlara má skrá reikning handvirkt í gegnum móttökugátt reikninga, hér er hlekkur á hana: Móttökugátt Garðabæjar

Aðilar sem einungis gefa út reikninga á pappír skulu senda okkur reikningana í bréfapósti, þeir sem gefa út reikninga á tölvutæku formi geta sent reikningana sem viðhengi í tölvupósti á bokhald@gardabaer.is. Ekki gera hvoru tveggja.

Fyrir aðila sem senda fáa reikninga eru í boði veflausnir þar sem hægt er að handskrá reikninga og senda, yfirleitt án kostnaðar fyrir lítið magn reikninga.

Viðskiptalegar kröfur til reikninga

Allir reikningar skulu innihalda eftirfarandi upplýsingar:

  • Kt. Garðabæjar 570169-6109. Engin önnur kennitala er gild.
  • Lýsingu á vöru eða veittri þjónustu.
  • Verð seljanda sem skal innihalda allan kostnað sem fellur til.
  • Ekki er heimilt að setja á reikninga viðbótargjöld sem ekki hefur verið samið um og ekki tengjast seldri vöru eða þjónustu, s.s. seðil- eða þjónustugjöld.
  • Gjaldfrestur skal vera í samræmi við gildandi samninga eða viðskiptaskilmála Garðabæjar.

Einnig skal koma fram á reikningum:

  • Nafn og/eða númer þeirrar stofnunar/deildar sem pantar.
  • Númer pöntunar eða beiðni (ef uppgefið af kaupanda). Verknúmer og verkliður (ef uppgefið af kaupanda).
  • Númer samnings (sem verð og önnur kjör eru byggð á).

Garðabær áskilur sér rétt til að greiða ekki eða endursenda reikninga sem ekki uppfylla þessi skilyrði.