Hreins­un­ar­átaki Garða­bæj­ar hrund­ið af stað

Bæjarfulltrúar brettu upp ermar og hreinsuðu svæðið umhverfis Ásgarð í upphafi hreinsunarátaks Garðabæjar sem er nú hafið og stendur yfir til 12. maí.

Vorhreinsun lóða fer svo fram 9-22. maí. Þá verður 33 gámum komið fyrir í bænum sem taka á móti garðaúrgangi sem íbúar koma sjálfir í gámana. Gámarnir fara niður 9. maí og verða tæmdir reglulega á meðan á vorhreinsuninni stendur. Hérna má nálgast kort sem sýnir staðsetningu gámanna.

Í hreinsunarátakinu eru bæjarbúar hvattir til að sýna gott fordæmi með því að taka nærumhverfi í fóstur og hlúa að því. Hópar geta sótt um að fá úthlutuð svæði til að hreinsa í sínu nærumhverfi og geta fengið styrk í fjáröflunarskyni eða til að halda grillveislu í lok góðrar tiltektar. Áhugasamir hópar geta haft samband við verkefnastjóra garðyrkjudeildar, s. 820 8574, lindajo@gardabaer.is.

^{Margrét Björnsdóttir, Bjarni, Almar Guðmundsson og Björg Fenger.}

^{Hrannar Bragi.}

^{Þorbjörg Þorvaldsdóttir.}

^{Almar var vandvirkur með plokkstöngina.}

^{Stella Stefánsdóttir.}

^{Bæjarstjórinn á spjalli við unga Garðbæinga.}

^{Björg Fenger, Siríður Hulda og Sóldís voru hressar.}

^{Ingvar Arnarson stóð sig vel.}