Hvað er að frétta í Garða­bæ? - Íbúa­fund­ir í októ­ber

Þrír íbúafundir sem haldnir eru undir yfirskriftinni Hvað er að frétta í Garðabæ? eru á dagskrá í október.

Þar mun Almar Guðmundsson bæjarstjóri Garðabæjar ásamt sviðsstjórum fara yfir það helsta sem er í gangi í bænum um þessar mundir og sitja fyrir svörum.

Fundirnir eru skipulagðir út frá hverfum bæjarins en athygli er vakin á því að hverfaskiptingin er aðeins leiðbeinandi og eru fundir opnir öllum og íbúar geta mætt á þann fund sem hentar best.

Dagsetningar:

• Fyrsti fundur verður haldinn í Álftanesskóla 14. október, klukkan 19:30.
• Annar fundur fer fram í Urriðaholtsskóla 20. október, klukkan 19.30.
• Þriðji fundur verður haldinn 28. október klukkan 19.30 í Miðgarði, 2. hæð.

Boðið verður upp á kaffi og léttar veitingar. Öll velkomin og hlökkum til samtalsins.

Skoða á Facebook