Orð og sög­ur

Verkefninu verður ýtt formlega úr vör á degi íslenskrar tungu, 16. nóvember, með skemmtilegri vinnu í leik- og grunnskólum bæjarins. Nemendur í 4. - 8. bekk taka þátt í frábærri verkefnavinnu sem leikarinn Mikael Kaaber kynnir í heimsóknum í skólana, þar verður er unnið með orðaforða, tungumál og skapandi skrif.

Í lok verkefnisins verður ein saga úr hverjum árgangi valin og höfundar hennar heiðraðir við skemmtilega verðlaunaafhendingu í desember.

Elstu börnin í leikskólunum taka einnig þátt og spreyta sig á skapandi sagnagerð.

Orð og sögur - markmið verkefnisins er m.a. að:

· Efla orðaforða

· Auka lestrargleði

· Styrkja frásagnarhæfni og sköpun

· Varðveita tungumálið okkar

· Kynna bókasafnið sem lifandi samfélag og sameign íbúa.

Það verður nóg um að vera á bókasafni Garðabæjar á meðan á verkefninu stendur og við hvetjum ykkur til að kíkja í heimsókn! Fylgstu með á samfélagsmiðlum Garðabæjar og bókasafnsins.