Tveggja daga lokun stígs við Arnarneslæk
Stígur við Arnarneslæk verður lokaður í tvo daga, mánudaginn 28. september og þriðjudaginn 29. september, vegna lokaframkvæmda við stígagerð á svæðinu. Lokunin hefst klukkan 9 á mánudagsmorgni og stendur til klukkan 18 á þriðjudag.
Gangandi og hjólandi vegfarendur eru beðnir um að fara um hjáleið sem sýnd er á meðfylgjandi korti á meðan lokunin stendur yfir.
Framkvæmdir verða með eftirfarandi hætti:
· Mánudaginn 28. september: Malbik verður rifið upp og undirlag þjappað.
· Þriðjudaginn 29. september: Stígarnir verða malbikaðir.
Þegar malbikun lýkur verða nýir stígar sunnan Arnarneshæðar og við Sjávargrund tengdir saman og opnaðir fyrir umferð gangandi og hjólandi.
Vegfarendur eru beðnir um að sýna aðgát í nágrenni framkvæmdasvæðisins og fylgja merkingum og leiðbeiningum um hjáleiðir.
Við biðjumst velvirðingar á þeim óþægindum sem framkvæmdirnar kunna að valda og þökkum vegfarendum fyrir sýnda tillitssemi.