Frétt­ir og til­kynn­ingar

Laugardaginn 2. apríl kl. 13:30 mun Bókasafn Garðabæjar bjóða upp á kennslu í fataviðgerðum og á saumavél.

Minnt er á lokun í dag, miðvikudaginn 30. mars þegar Álftanesvegur verður lokaður að hluta fyrir umferð vegna kvikmyndatöku. Hjáleið verður í staðinn um Garðahraunsveg (gamla Álftanesveg) þar sem verður leyft að keyra í gegn á meðan. Gert er ráð fyrir að lokunin á Álftanesvegi standi yfir frá kl.9:00 til kl. 19:00.

Sunnudaginn 27. mars nk. kl. 13 munu sýningarstjórar SUNDs, þau Valdimar T. Hafstein, þjóðfræðingur og Brynhildur Pálsdóttir, hönnuður ganga með gestum um sýninguna og draga fram áhugaverðar sögur tengdar sundinu og sýningunni sem er haldin í Hönnunarsafni Íslands.

Stjarnan var með sanni lið helgarinnar í bikarkeppnum körfuboltans því alls unnu flokkar félagsins fimm bikarmeistaratitla af þeim níu sem voru í boði.

Umsóknarfrestur um sumarstörf hjá Garðabæ rann út í byrjun mánaðarins. Ákveðið hefur verið að opna fyrir umsóknir á biðlista og mun verða hægt að sækja um á biðlistann til og með 30. apríl. Byrjað verður að vinna úr umsóknum í lok mars.

Fulltrúar sveitafélaganna á höfuðborgarsvæðinu undirrituðu sameiginlega yfirlýsingu um samstarf vegna sorphirðu á dögunum í móttöku- og flokkunarstöð SORPU í Gufunesi.

Ársreikningur Garðabæjar fyrir árið 2021, sem lagður var fram á fundi bæjarráðs Garðabæjar í dag, þriðjudaginn 15. mars 2022, lýsir sterkri fjárhagsstöðu sveitarfélagsins.

Nemendur í Hofsstaðaskóla áttu í sameiningu að byggja skólann sinn og verkfærið sem þeir fengu var tölva og Minecraft hugbúnaðurinn.

Vegna bil­un­ar í veitukerfi gæti orðið truflun á kalda vatninu í Garðabæ í dag, 15. mars.

GUL VIÐVÖRUN, YELLOW WARNING, STOPIEŃ ZAGROŻENIA 1 (ŻÓŁTY ALERT) Gul veðurviðvörun er í gildi mánudaginn 14. mars frá kl. 10:00 til kl.17:00.

Haustið 2022 mun 6 deilda leikskóli taka til starfa við Kauptún í Garðabæ í húseiningum sem verða reistar á staðnum. Leikskólinn er undanfari nýs 6 deilda leikskóla fyrir allt að 120 börn við Holtsveg í Urriðaholti sem verður tekinn í notkun haustið 2023.

Vegna frétta um vatn umhverfis Miðgarð er rétt að láta vita af því að engar eða sáralitlar skemmdir urðu á Miðgarði vegna þess og hefur starfsemi hússins ekki raskast á neinn hátt. Allar íþróttaæfingar eru á áætlun í húsinu.

Klifurveggur hefur verið settur upp í Miðgarði, nýju fjölnota íþróttahúsi Garðabæjar. Klifurveggurinn er hannaður og byggður af fyrirtækinu Walltopia í Búlgaríu.

Auglýst er eftir umsóknum um styrki í Hvatningarsjóð fyrir unga hönnuði og listamenn í Garðabæ.

Fundur bæjarstjórnar Garðabæjar fimmtudaginn 3. mars sl. var merkilegur fyrir þær sakir að þetta var 900. fundur bæjarstjórnar frá upphafi en fyrsti fundur bæjarstjórnar Garðabæjar var haldinn 6. janúar 1976 en í byrjun þess árs fékk Garðabær kaupstaðarréttindi.