Garða­kort­ið – að­gang­skort í sund­laugar

Þú kaupir stafrænt kort í símann á gardakort.is. Þegar kort er útrunnið eða skipti fullnýtt getur þú keypt nýtt stafrænt kort á vefnum.

Um leið og þú hefur greitt fyrir kortið getur þú bætt því við í veskið í símann.

• iPhone: Kortið fer í Wallet.
• Android: Kortið fer í Google Wallet.

Þú finnur greiðslukvittun í Þjónustugátt Garðabæjar undir Gjöld.

Glatað kort

Ef þú hefur fjarlægt kortið úr símaveskinu eða skipt um síma getur þú fundið hlekkinn á kortið í tölvupósti frá noreply@smartsolutions.is sem var sendur við kaupin.

Þú getur líka sent tölvupóst á gardabaer@gardabaer.is með upplýsingum þínum.

Þú getur keypt plastkort í afgreiðslu sundlauganna og fyllt á þau þar. Þegar þú kaupir plastkort í fyrsta sinn, eða þarft nýtt kort, vegna þess að það týndist eða er ónýtt, þarftu að greiða stofnkostnað.

Það er ekki hægt að flytja inneign af plastkortum yfir á stafræn kort.

Börn (yngri en 18 ára), eldra fólk (67 ára og eldri) og öryrkjar fá ókeypis í sund í Garðabæ með Garðakortinu.

• Börn og eldra fólk geta sótt stafrænt árskort í símann sinn með því að skrá sig inn með rafrænum skilríkjum á gardakort.is.
• Öryrkjar fá stafrænt árskort með því að senda tölvupóst á gardabaer@gardabaer.is.
• Plastkort: Einnig er hægt að fá plastkort með því að sýna skilríki í afgreiðslu sundlauganna (greiða þarf stofnkostnað).

Forsendur og skýringar

• Börn 0–17 ára, 67 ára og eldri og öryrkjar fá gjaldfrían aðgang (með Garðakorti/plastkorti eða stafrænu korti þar sem við á).
• Allir sem fá "ókeypis" aðgang þurfa Garðakort.