Sum­ar­hraun

Börn fá stuðning á sumarnámskeiðum frá stuðningsfulltrúa sem styður við þau eins og þörf er á.

Markmiðið er að:

• gefa öllum börnum tækifæri til þess að taka þátt í sumarnámskeiðum með þeim stuðningi sem hver og einn þarfnast
• veita börnunum öryggi, efla sjálfstæði og félagsfærni

Sértæk sumarnámskeið eru fyrir börn sem eiga erfitt með að fara á hefðbundin sumarnámskeið og þurfa sérhæfðara fyrirkomulag eða fyrir þau sem vilja rólegri viku. Námskeiðin eru haldin í Breiðumýri á Álftanesi.

Þú sækir um stuðning á sumarnámskeið og Sumarhraun í Þjónustugátt Garðabæjar fyrir auglýstan umsóknarfrest (athugið að umsókn um Sumarhraun birtist aðeins á vorin).

Þegar upplýsingar um þau námskeið sem barnið mun fara á liggja fyrir þarf að senda eftirfarandi upplýsingar á netfangið agustthr@gardabaer.is eða adaman@gardabaer.is.

• Heiti námskeiðs.
• Tímasetning.
• Staðsetning.

Hægt er að sækja um 7 vikur á sumrin fyrir heilsdagsnámskeið. Tímalengdin gildir samanlagt fyrir stuðning á almennum sumarnámskeiðum og á sértækum námskeiðum Sumarhrauns.

Boðið er upp á viðveru í Sumarhrauni ef námskeiðið er bara hálfan daginn.