Mið­garð­ur - fjöl­nota íþrótta­hús í Vetr­ar­mýri

Í Miðgarði er fótboltavöllur í fullri stærð og klifurveggur innanhúss auk teygju- og upphitunaraðstöðu. Þar er fyrsta flokks styrktar- og þrekæfingaaðstaða ásamt búningsklefum og klósettum. Stærð íþróttasalarins er 80x120 metrar og um 800 áhorfendur rúmast á svölum íþróttasalarins.

Í hliðarrýmum sunnan megin í byggingunni eru tvær hæðir, hvor um sig um 1500 m² að stærð, þar sem gert er ráð fyrir heilsutengdri starfsemi eins og sjúkraþjálfun, fundarrýmum og veitingasal. Með anddyri og öðrum stoðrýmum er flatarmál hússins um 18.200 m².

Öllum er frjálst að nýta göngubrautina á svölum íþróttasalarins á opnunartíma þegar ekki eru viðburðir með áhorfendum.