Beint í efni

Grunn­stoð Garða­bæj­ar

Grunnstoð er samstarfsvettvangur foreldrafélaga í grunnskólum bæjarins. Markmiðið er að efla rödd foreldra sem hagsmunahóps og sameina krafta þeirra til góðra verka í skólamálum.

Hverjir sitja í Grunnstoð?

Í Grunnstoð Garðabæjar sitja fulltrúar foreldrafélaga úr öllum grunnskólum bæjarins. Grunnstoð hittist að jafnaði 5 sinnum á skólaári og ræðir sameiginleg málefni skólanna. Samstarfið auðveldar foreldrafulltrúum að vera bæjaryfirvöldum til aðstoðar og ráðgjafar um skóla- og fjölskyldumál. Grunnstoð er í samstarfi við Heimili og skóla – landssamtök foreldra.

Hafa samband

Ef þú hefur spurningar eða ábendingar getur þú sent tölvupóst á grunnstod@gardabaer.is.

Starfsreglur Grunnstoðar Garðabæjar

Fulltrúi í skólanefnd grunnskóla

Grunnstoð Garðabæjar skipar fulltrúa og varafulltrúa úr sínum hópi í skólanefnd grunnskóla til tveggja ára í senn. Fulltrúi foreldra situr fundi skólanefndar með málfrelsi og tillögurétt, í samræmi við lög um grunnskóla.

Hlutverk fulltrúa í skólanefnd

Fulltrúi foreldra í skólanefnd Garðabæjar skal huga að eftirtöldu:

  • Starfa af samviskusemi og skyldurækni að framgangi málefna allra grunnskóla í Garðabæ á faglegan og málefnalegan hátt.
  • Fylgja eftir erindum til skólanefndar frá Grunnstoð, foreldrafélögum og öðrum foreldrum sem til hans leita.
  • Kynna fyrir stjórn Grunnstoðar það sem er efst á baugi hverju sinni og snertir foreldrasamfélagið.
  • Miðla upplýsingum til foreldrafulltrúa varðandi mál sem tekin eru fyrir á fundum skólanefndar, til dæmis með því að senda fundargerðir og stuttar samantektir til formanna foreldrafélaga og foreldrafulltrúa í skólaráði.
  • Vera vakandi yfir þeim málum sem eru til umfjöllunar og snerta foreldrasamfélagið.

Hafa samband við fulltrúa foreldra

Foreldrar geta haft samband beint við fulltrúa foreldra í skólanefnd eða til formanns foreldrafélags í viðkomandi skóla. Upplýsingar um formenn foreldrafélaga og fulltrúa foreldra í skólaráði er að finna á vef viðkomandi skóla.