16. des. 2024

Sorphirða á milli jóla og nýárs

Unnið verður að sorphirðu í Garðabæ dagana 27.-31. desember samkvæmt uppfærðu sorphirðudagatali fyrir desember, sorphirðudagatal má nálgast hérna.

Sorphirða fer þá fram yfir dagana 16.-20. desember og einnig dagana á milli jóla og nýárs.

Jólahátíðinni fylgir jafnan mikið af umbúðum og sorpi sem fylla tunnurnar fljótt. Íbúar eru hvattir til að flokka vel og nýta grenndargáma eða endurvinnslustöðvar Sorpu þegar þar á við, t.d. þegar um stórar umbúðir er að ræða.

Svo minnum við auðvitað á mikilvægi þess að ganga vel frá sorpi ofan í tunnur og huga að snjómokstri í kringum sorpgeymslur til að tryggja að hægt sé að sinna sorphirðu með góðu móti.

_{Skilaboð frá Sorpu.}

Sjö grenndarstöðvar eru í Garðabæ, þrjár litlar og fjórar stórar.

Litlar grenndarstöðvar í Garðabæ taka á móti gleri, málmumbúðum og skilagjaldskyldum flöskum og dósum.

Staðsetning þeirra:

• Holtsvegur 49
• Sjálandsskóli
• Álftanes - Suðurnes við golfvöll​

Stórar grenndarstöðvar taka á móti gleri, málmumbúðum og skilagjaldsskyldum flöskum og dósum, auk plastumbúða og pappír og pappa.

• Staðsetning þeirra:

  • Skólabraut 5
  • Ásgarður
  • Holtsvegur 21
  • Álftanes - Norðurnes við spennistöð