Sorphirða
Sorp frá heimilum er almennt hirt á 10-12 daga fresti. Tafir geta orðið vegna veðurs eða frídaga. Hvert heimili fær eina 240 l sorptunnu en í fjölbýlishúsum er einnig möguleiki á 660 l gámum, fyrir hverjar þrjár íbúðir. Hvert heimili fær einnig eina pappírstunnu, hún er tæmd á u.þ.b. 20 daga fresti. Plast má setja í sorptunnuna (orkutunnuna) í lokuðum plastpoka. Plastpokarnir verða flokkaðir sérstaklega frá öðru rusli og þeim komið til endurvinnslu. Hér að neðan má sjá dagsetningar á losun sorp- og pappírstunna:
Í undantekningartilfellum er mögulegt að fá auka tunnu en sorphirðugjald verður væntanlega í framtíðinni innheimt í samræmi við fjölda íláta.
Æskilegast er að staðsetja sorpílát í innbyggðum sorpgeymslum, en að öðrum kosti er nauðsynlegt að festa þau tryggilega, þó þannig að auðvelt sé fyrir sorphirðumenn að nálgast þau. Helst skal koma sorpílátum fyrir götumegin við hús og þannig, að leiðin að þeim sé greið og auðvelt sé að aka þeim að götu. Á vetrum ber húseigendum að hreinsa snjó frá sorpgeymslum og þeirri leið sem flytja þarf sorpílát um innan lóðar.
Íslenska gámafélagið s. 577 5757 , sér um sorphirðu í Garðabæ samkvæmt samningi við bæinn.
Plast í poka og beint í tunnu
Frá árinu 2018 sl. hafa íbúar í Garðabæ möguleika á því að setja allt plast saman í
lokuðum plastpoka beint í gráu sorptunnuna (orkutunnuna). Plastpokarnir
verða flokkaðir sérstaklega frá öðru rusli og þeim komið til
endurvinnslu. Plastflokkun í plastpoka er samstarfsverkefni SORPU og
fjögurra sveitarfélaga, Garðabæjar, Hafnarfjarðar, Mosfellsbæjar og
Seltjarnarnesbæjar.
Hér á vef SORPU er hægt að sjá nánari upplýsingar um plastverkefnið
Upplýsingar um sorphirðu veitir:
Þjónustuver Garðabæjar, s. 525 8500
Gjaldskrá sorphirðu er aðgengileg hér.
Sjá upplýsingar um Þjónustumiðstöð Garðabæjar.
Grenndargámar
Staðsetningu grenndargáma í Garðabæ má sjá á kortavefnum . Smellt er á "Umhirða" og svo hakað í "Grenndargámar"
Grenndargámar eru losaðir sem hér segir:
- Gámar við Ásgarð v/íþróttahús: Þriðjudaga plast og fimmtudaga pappír
- Gámar við Suðurnesveg v/golfvöll: Þriðjudaga plast og fimmtudaga pappír
- Gámar við Norðurnesveg: Þriðjudaga plast og fimmtudaga pappír