Vinnuskóli Garðabæjar
Upplýsingar fyrir Vinnuskólann sumarið 2023.
Aldur
Vinnuskólinn er fyrir 14 - 16 ára ungmenni (fædd árin 2009, 2008 og 2007).
Skráning
Forráðamenn þurfa að skrá unglinginn sinn í Vinnuskólann. Skráningin fer fram á ráðningarvef Garðabæjar.
Athugið að við skráningu þarf nemandi að eiga bankareikning sem stofnaður er á kennitölu hans.
Vakin er athygli á að árið sem 16 ára aldri er náð verður skattskylda eins og hjá fullorðnum og þarf launþegi að ráðstafa persónuafslætti til vinnuveitanda. Ráðstöfun persónuafsláttar er á ábyrgð launþega. Upplýsingar um hvernig ráðstafa eigi persónuafslætti verða sendar með tölvupósti.
Dagsetningar
Skólinn hefst fimmtudaginn 8. júní kl. 8.30 hjá nemendum sem fæddir eru 2007 og 2008 og mánudaginn 12. júní hjá þeim sem eru fæddir árið 2009.
Nemendur búsettir á Álftanesi
mæta í Félagsmiðstöðina Elítuna.
Aðrir mæta í Garðaskóla, norðurbyggingu.
Áætlaður lokadagur Vinnuskólans er miðvikudaginn 26. júlí.
Vinnutími
14 ára (fædd 2009): Mætt er fyrir hádegi fjóra daga í viku, frá kl.8:30 til kl.12. Fimmta daginn er í boði þátttaka í forvarna- og hópeflisverkefninu Egó. Daglegur vinnutími reiknast 3,5 klst. en 2 klst. þegar mætt er í Egó. Samtals 16 tímar á viku.
15-16 ára (fædd árin 2008 og 2007 ): Unnið frá kl.8:30 til 12 og frá kl. 13:00 til 15:30. Daglegur vinnutími reiknast 6 klst. Unnið er 3,5 klst. fyrir hádegi á föstudögum. Samtals möguleiki á 27,5 klst. vinnu á viku. Vinnuskólinn áskilur sér rétt til að takmarka frekar vinnutíma ef skráning fer fram úr áætlunum.
Dagskrá
Almenn störf og áherslur í Vinnuskóla eru garðyrkja,
gróðursetning, hirðing á lóðum og opnum svæðum bæjarins og skipulagt tómstundastarf.
Einnig eru í boði nokkur aðstoðarstörf hjá stofnunum og æskulýðsfélögum, s.s.
leikskólum, leikjanámskeiðum og námskeiðum skáta o.fl. fyrir þá sem fæddir eru
árin 2007
og 2008.
Hægt er að merkja við þessi aðstoðarstörf inni á ráðningarvef Garðabæjar við skráningu. Ofangreindir aðilar fá síðan listann og velja til sín af honum. Athugið að vinnutími unglinga í aðstoðarstörfum hjá félögum er í einhverjum tilvikum aðlagaður að tímasetningu sumarnámskeiða sem sum hver geta verið fram í ágúst.
Laun
Allar tölur eru án orlofs:
Unglingar 13-14 ára
(f.2009) 30% af lfl. 117 kr. 798 pr.klst. 3,5 klst. á dag mán. - fös.
Unglingar 14-15 ára (f.2008) 40% af lfl. 117 kr. 1.064 pr.klst. 6,0 klst. á dag
mán. -fim 3,5 klst. á fös.
Unglingar 16-16 ára (f.2007) 50% af lfl. 117 kr. 1.330 pr.klst. 6,0 klst. á dag
mán. - fim 3,5 klst. á fös.