Álftanesskóli endurbætur

Upplýsingasíða vegna aðgerða vegna rakaskemmda í Álftanesskóla.

Garðabær vinnur eftir ákveðnum verkferlum ef upp kemur grunur um myglu í húsnæði eða mannvirkjum sveitarfélagsins.

Verkfræðistofan Mannvit er Garðabæ til ráðgjafar varðandi sýnatökur, úrbætur og aðgerðir.

Endurbætur vegna rakaskemmda - verkferlar Garðabæjar - fræðsla um rakaskemmdir og myglu

Upplýsingar um verkefnið veita:

Anna María Skúladóttir, skólastjóri Álftanesskóla, annaskula@alftanesskoli.is 
Edda Björg Sigurðardóttir, deildarstjóri grunn- og tónlistarskóla, eddabsig@gardabaer.is
Guðbjörg Brá Gísladóttir, sviðsstjóri umhverfissviðs, gudbjorgbra@gardabaer.is

Ferill máls í Álftanesskóla

1) Sýni tekin í Álftanesskóla

Mánudaginn 9. janúar 2023 var starfsfólki og forráðamönnum kynntar niðurstöður úr sýnatökum á skólahúsnæðinu vegna möguleika á mygluskemmdum á afmörkuðu svæði í Álftanesskóla. Í samræmi við þær aðgerðir sem þegar hefur verið ráðist í hjá skólum bæjarins var ákveðið að fela verkfræðistofunni Mannviti það að taka sýni til rannsóknar.

Niðurstöður sýna að um er að ræða myglu og rakaskemmdir í fyrrverandi starfsmannarými sem áður hýsti meðal annars vinnustofu kennara. Þar hefur undanfarið verið aðstaða skólahjúkrunarfræðings en önnur notkun hefur ekki verið í rýminu í um tvö ár. Rekja má mygluna til ytri klæðningar sem er aðeins á þessu svæði í skólanum.  

2) Staða verkefnis

Svæðinu sem um ræðir hefur verið lokað til að tryggja að hægt sé að koma í veg fyrir smithættu fram á ganginn og í nærliggjandi rými. Frekari sýnatöku lauk 17. janúar 2023 í skólanum. 

Bréf til forráðamanna í Álftanesskóla

Fréttir 


3) Næstu skref

Ráðist var í frekari sýnatöku til að meta hvort rakavandamál séu til staðar. Gert er ráð fyrir að niðurstöður þeirra mælinga liggi fyrir eftir 4-5 vikur frá sýnatöku. 

Mannvit vinnur með bæjaryfirvöldum að aðgerðar- og kostnaðaráætlun vegna viðgerða á skólanum. Í samþykktri fjárhagsáætlun 2023 er gert ráð fyrir fjármagni til endurbóta á húsnæði stofnana bæjarins.