Húsnæðismál

Upplýsingar um félagslegar leiguíbúðir, húsnæðisstuðning og íbúðir fyrir aldraða

Upplýsingar um húsnæðismál veitir:
Edda Tryggvadóttir, húsnæðisfulltrúi, 
sími: 525 8564  
netfang: edda@gardabaer.is

Fyrirspurnir um sérstakan húsnæðisstuðning má senda á:  husbot@gardabaer.is

Íbúðir fyrir aldraða

Að Kirkjulundi 6 og 8 eru fjórar leiguíbúðir fyrir aldraða í eigu Garðabæjar sem leigðar eru eldri bæjarbúum.

Upplýsingar eru veittar á bæjarskrifstofum í síma 525 8500.

Á Hleinum í nágrenni við Hrafnistu í Hafnarfirði hefur stjórn Sjómannadagsráðs haft forgöngu um uppbyggingu lítilla raðhúsa. Reistar hafa verið 54 íbúðir, ýmist í eigu félagasamtaka eða einstaklinga. Skilyrði fyrir búsetu eru þau að íbúar séu 60 ára eða eldri og eiga þeir kost á ýmis konar þjónustu sem veitt er á Hrafnistu.

Upplýsingar eru veittar:
á skrifstofu Hrafnistu í Hafnarfirði
mánudaga til föstudaga kl.9-16
sími 565 3000.

Byggingarfélag eldri borgara hefur séð um framkvæmdir við fjölbýlishús sem hafa verið reist við Kirkjulund og Garðatorg. Þar eru samtals 43 íbúðir. Reiknað er með áframhaldandi uppbyggingu slíkra íbúða í bænum eftir því sem eftirspurn segir til um. 

Leiguíbúðir

Leiguíbúðir í eigu Garðabæjar

Sótt er um leiguíbúðir í eigu Garðabæjar á fjölskyldusviði.

Reglur um úthlutun félagslegra leiguíbúða Garðabæjar.

Reglur um stigagjöf við úthlutun félagslegra íbúða.

Nánari upplýsingar veitir:
Edda Tryggvadóttir, húsnæðisfulltrúi
sími: 525 8564 / 525 8500,
netfang: edda@gardabaer.is.

Húsnæðisstuðningur

Húsnæðisbætur eru mánaðarlegar greiðslur sem eru ætlaðar til að aðstoða þá sem leigja íbúðarhúsnæði, hvort sem er í félagslega kerfinu, námsgörðum eða á hinum almenna leigumarkaði „út í bæ“.

Vinnumálastofnun annast afgreiðslu húsnæðisbóta. Nánari upplýsingar um húsnæðisbætur eru á vefnum husbot.is

Sérstakur húsnæðisstuðningur 

Sérstakur húsnæðisstuðningur er fjárstuðningur til greiðslu á húsaleigu umfram almennar húsnæðisbætur sem veittar eru á grundvelli laga um húsnæðisbætur nr. 75/2016.

Garðabær annast afgreiðslu sérstaks húsnæðisstuðnings fyrir sína íbúa.

Forsenda fyrir sérstökum húsnæðisstuðningi hjá Garðabæ er að fólk hafi sótt um húsnæðisbætur hjá Vinnumálstofnun og fengið samþykkta umsókn.

Umsókn um sérstakan húsnæðsstuðning skal hafa borist eigi síðar en 20. dag fyrsta greiðslumánaðar. Ef umsókn berst seinna verða húsaleigubætur ekki greiddar vegna þess mánaðar. Sækja þarf um bætur fyrir hvert almanaksár og gildir umsókn til ársloka.

Fyrirspurnir um sérstakan húsnæðisstuðning sendist á netfangið: husbot@gardabaer.is

Lög um húsnæðisbætur nr. 75/2016

Reglur Garðabæjar um sérstakan húsnæðisstuðning.