Hnoðraholt norður

Hnoðraholt norður er í góðri tengingu við nærliggjandi þjónustu og fyrirhugaður leik- og grunnskóli verður staðsettur miðsvæðis í hverfinu. 

Um háholtið hringast fjölbreytt og vönduð byggð fjölbýlis og sérbýlis með einstöku útsýni. Lögð er áhersla á að íbúar njóti nærliggjandi umhverfis og náttúrugæða með vönduðum almenningsrýmum og góðri tengingu við nærliggjandi svæði. 

Hnoðraholtið er íbúðahverfi með áherslur á fjölbreyttar húsagerðir sem falla vel að núverandi byggð. Hverfið mun taka mið af anda staðar og þeirra umhverfisgæða sem Hnoðraholtið býður upp á til að tryggja lífsgæði íbúa.

Hnoðraholtið er einstaklega vel staðsett hverfi þar sem íbúar á öllum aldri geta notið þeirra gæða sem hverfið sjálft og aðliggjandi svæði bjóða upp á. Lögð er áhersla á góðar samgöngutengingar fyrir akandi, hjólandi og gangandi vegfarendur.

Sala byggingarréttar: 

Lausar eru eftirfarandi lóðir

• Stekkholt 16
• Stekkholt 18
• Stekkholt 20

SÖLUAÐILAR

• Garðabær, Garðatorgi 7, Garðabæ
• Fasteignasalan Torg, Garðatorgi 5, Garðabæ
• Fasteignamarkaðurinn, Óðinsgötu 4, Reykjavík

Tilboð í byggingarrétt hverrar lóðar þarf að berast í lokuðu umslagi til tilgreinds söluaðila fyrir kl. 12:00 mánudaginn 2. desember . Tilboð verða opnuð og tekin fyrir á fundi bæjarráðs Garðabæjar kl. 08:00 þriðjudaginn 3. desember 2024. Þau gilda til 3. desember kl 16:00.

Á kortavef Garðabæjar má finna upplýsingar um lausar lóðir. Í felliglugga hægra megin er ýtt á "lausar lóðir" og birtast þá þær lóðir sem eru lausar til úthlutunar að þessu sinni, hver lóðartegund hefur sinn einkennislit. 

• Jarðvegsvinna og gatnagerð á svæðinu er á lokametrunum. 

Breeam vottun

Samhliða deiliskipulagsvinnu Hnoðraholts norður var unnið að því að umhverfisvotta deiliskipulagið samkvæmt alþjóðlega vottunarkerfinu Breeam Communities. 
Með umhverfisvottun skipulags er tryggt að umhverfisáhrif skipulags sem og samflot þess við nærliggjandi umhverfiseinkenni sé í forgangi.

Tilboðsgerð

• Garðabær, Fasteignasalan Torg , Garðatorg eignamiðlun, Fasteignasalan Miklaborg  og Fasteignamarkaðurinn annast sölu á byggingarrétti lóðanna  og veita allar upplýsingar vegna tilboðsgerðar.   

Frekari upplýsingar:

• Skilmálar fyrir úthlutun og sölu byggingarréttar
• Deiliskipulag Hnoðraholts
• Kynningarefni fyrir Hnoðraholt norður
• Greinargerð fyrir hverfið (athugið að hún mun taka breytingum) 

Vakin er athygli á því að götuheitum í greinargerð Hnoðraholts norður hefur verið breytt. 

• Ýlisholt heitir nú Útholt

• Það sem áður hét Útholt heitir nú Stekkholt.

• Uppfærsla á greinargerð er í vinnslu.