Veiðileyfi

Veiðitímabilið í Vífilsstaðavatni stendur yfir frá 1. apríl til 15. september.

Veiðitímabilið í Vífilsstaðavatni stendur yfir frá 1. apríl til 15. september. Stangveiðileyfi í Vífilsstaðavatni eru seld með veiðikortinu á sölustöðum N1, Olís og veiðivöruverslunum um land allt. Veiðikortið má einnig kaupa á vef veiðikortsins og er kortið þá sent með pósti kaupanda að kostnaðarlausu. Veiðikortið kostar 7.900 krónur og veitir aðgang að 34 vatnasvæðum vítt og breitt um landið. Vinsamlega athugið að veiðikortið gildir eingöngu fyrir eina stöng, en börn yngri en 14 ára veiða frítt í fylgd korthafa.

Nánari upplýsingar um veiðikortið og Vífilsstaðavatn má finna á vef veiðikortsins.

Dagsveiðileyfi er hægt að kaupa á 1000 kr. Millifært er inn á reikning 0318-26-50, kt. 5701696109 með skýringunni veiðileyfi. Þá er nægilegt að sýna milifærslustaðfestingu til veiðivarða á veiðidegi en leyfilegt er að veiða í vatninu frá kl. 8:00 til kl. 24:00. Frekari upplýsingar má nálgast í þjónustuveri Garðabæjar í síma 525-8500.

Eingöngu er heimilt að nota flugur, maðk og spón, öll önnur beita og smurefni eru stranglega bönnuð í vatninu.

Athugið að bannað er að veiða á merktu svæði norðanmegin í vatninu vegna verndunar varpsvæða flórgoðans. Öll umferð báta og kajaka er bönnuð á vatninu. Að gefnu tilefni ber að nefna að ekki er leyfilegt að veiða í Urriðavatni.

Veiðimenn og útivistarfólk er vinsamlegast beðið um að ganga vel og snyrtilega um friðlandið og alls ekki henda girni, krókum né rusli á jörðina þar sem það er stórhættulegt fuglalífinu.

Hér má sjá mynd sem sýnir verndunarsvæði flórgoðans