Bæjarlistamaður Garðabæjar

Útnefning bæjarlistamanns fer fram við hátíðlega athöfn í vor eins og venja er. Þá er jafnframt listamanni í Garðabæ veitt heiðursviðurkenning fyrir ómetanlegt starf í þágu menningar og ungmennum veittur styrkur við sama tilefni.

Sjá reglur um styrk til bæjarlistamanns neðar á síðunni.

Bæjarlistamenn Garðabæjar 

• 2024 Hans Jóhannsson fiðlusmíðameistari er bæjarlistamaður Garðabæjar
• 2023 Gunnsteinn Ólafsson hljómsveitar- og kórstjóri, tónskáld og frumkvöðull. 
• 2022 Birgitta Haukdal söngkona og barnabókahöfundur
• 2021 Unnur Ösp Stefándóttir leikstjóri, höfundur og leikari og Björn Thors leikari
• 2020 Bjarni Thor Kristinsson óperusöngvari
• 2019 Bjarni M. Bjarnason rithöfundur
• 2018 María Magnúsdóttir, söngkona og tónskóld
• 2017 Pétur Jóhann Sigfússon, leikari, handritshöfundur og grínisti
  
• 2016    Andrea Magnúsdóttir fata- og tískuhönnuður
  
• 2015    Karólína Eiríksdóttir tónskáld         
  
• 2014    Soffía Sæmundsdóttir myndlistarmaður          
  
• 2013    Ingibjörg Guðjónsdóttir söngkona
  
• 2012    Þórunn Erna Clausen leikkona
  
• 2011    Ómar Guðjónsson tónlistarmaður
  
• 2010    Agnar Már Magnússon tónlistarmaður
  
• 2009    Laufey Jensdóttir myndlistarmaður
  
• 2008    Jóhann Sigurðarsson, leikari
  
• 2007    Karl Ágúst Úlfsson, leikari, leikstjóri og rithöfundur
  
• 2006    Rúnar Helgi Vignisson rithöfundur og þýðandi
  
• 2005    Sigurður Flosason tónlistarmaður
  
• 2004    Þuríður Sigurðardóttir myndlistarmaður og söngkona
  
• 2003    Erling Jóhannesson, leikari og leikstjóri og Hallfríður Ólafsdóttir flautu- og pikkólóleikari
  
• 2002    Björn Thoroddsen tónlistarmaður
  
• 2001    Kristín Helga Gunnarsdóttir rithöfundur
  
• 2000    Jónína Magnúsdóttir myndlistarmaður og Peter Tompkins tónlistarmaður
  
• 1999    Margrét Ólafsdóttir leikari og Steindór Hjörleifsson leikari
  
• 1998    Árni Elfar tónlistar- og myndlistarmaður
  
• 1997    Ármann Helgason tónlistarmaður og Guðrún E. Ólafsdóttir myndlistarmaður
  
• 1996    Arngunnur Ýr Gylfadóttir myndlistarmaður og Guðfinna Dóra Ólafsdóttir kórstjóri
  
• 1995    Hildigunnur Halldórsdóttir tónlistarmaður og Sigrún Waage leikari
  
• 1994    Edda Jónsdóttir myndlistarmaður og Ragnheiður Jónsdóttir myndlistarmaður
  
• 1993    Sigríður Sigurjónsdóttir listhönnuður
  
• 1992    Bryndís Halla Gylfadóttir sellóleikari og Pétur Bjarnason myndlistarmaður
  
•  
  

 

Reglur um styrk til bæjarlistamanns

1. gr.
Bæjarstjórn Garðabæjar veitir árlega styrk til bæjarlistamanns eða bæjarlistamanna eftir því sem nánar er ákveðið hverju sinni við gerð fjárhagsáætlunar.

2. gr.
Menningar- og safnanefnd Garðabæjar skal gera tillögu til bæjarstjórnar um veitingu styrkja til bæjarlistamanns eða bæjarlistamanna, og skal við það miðað, að tillögur berist bæjarstjórn í maímánuði ár hvert.

3. gr.
Menningar- og safnanefndnefnd skal auglýsa eftir  eða óska eftir rökstuddum ábendingum frá einstaklingum eða samtökum listamanna  um útnefningu bæjarlistamanns  Nefndin er þó ekki bundin af slíkum ábendingum.

4. gr.
Þeir listamenn einir koma til greina við úthlutun styrkja, sem lögheimili eiga í Garðabæ og hafa haft þar fasta búsetu í a.m.k. tólf mánuði.

5. gr.
Úthlutun starfsstyrks skal að jafnaði fara fram árlega.

6. gr.
Styrkurinn skal nema þeirri fjárhæð, sem bæjarstjórn ákveður hverju sinni við gerð fjárhagsáætlunar.

7. gr.
Bæjarstjórn áskilur sér rétt til þess að styrkþegi leggi fram greinargerð um ráðstöfun styrkjarins, verði eftir því leitað.  Greinargerðin getur verið í því formi, að styrkþegi leggi fram texta í rituðu máli eða flytji eða lesi upp verk í frumflutningi eða til frumbirtingar, allt eftir nánara samkomulagi við menningar- og safnanefnd hverju sinni.  Ekki skal gert ráð fyrir sérstakri greiðslu fyrir framlagningu eða flutning samkvæmt grein þessari, en styrkþegi heldur höfundarrétti sínum óskertum í samræmi við ákvæði laga um höfundarrétt.

Samþykkt í bæjarstjórn 12. apríl 2012