Starf sem dagforeldri

Í Garðabæ vantar dagforeldra til starfa!

Garðabær hefur ákveðið að koma til móts við þá sem vilja gerast dagforeldrar með eftirfarandi hætti:

• Grunnnámskeið fyrir dagforeldra eru greidd fyrir þá sem koma til starfa við daggæslu
• Aðstöðugreiðslur til að bæta aðstæður á heimilum dagforeldra með hliðsjón af öryggi barna

Skapaðu þér sjálf/ur atvinnu!

Með því að gerast dagforeldri er hægt að skapa sér atvinnu og fá um leið tækifæri til að verja meiri tíma með eigin börnum. Leyfi er veitt fyrir einu til fjórum börnum fyrsta árið og allt að fimm börnum eftir það. Þar með talin eru eigin börn undir skólaaldri.

Skilyrði fyrir starfsleyfi dagforeldra.

Leikrými

Dagforeldrar þurfa að hafa leikrými fyrir börnin og er gerð krafa um 3,5 fm að lágmarki innanhúss fyrir hvert barn. Auk þess skal aðstaða til útivistar vera fullnægjandi og hættulaus. Einnig þarf að vera til staðar fullnægjandi aðstaða til matar og hvíldar. Sjá reglugerð um daggæslu í heimahúsum .