Menntastefna Garðabæjar 2022-2030

Nú hefur ný menntastefna Garðabæjar litið dagsins ljós.

Menntastefna Garðabæjar

SAMRÁÐSGÁTT vegna menntastefnu Garðabæjar

Menntastefna Garðabæjar 2022-2030 tekur mið af þeim fjölmörgu lagabálkum og stefnum sem gilda um og taka til skólastarfs og tengdrar þjónustu, aðalnámskrám grunn- og leikskóla og verkefnum sem unnið er að og tengjast menntastefnu.

Menntastefnu Garðabæjar er ætlað að leggja grunn að farsælu og framsæknu skólastarfi sem einkennist af jákvæðum skólabrag og veitir öllum börnum menntun og færni til mæta þeim áskorunum sem felast í hröðum og stöðugum samfélags- og tæknibreytingum.

Garðabær er aðili að Heilsueflandi samfélagi þar sem unnið er að því að skapa umhverfi og aðstæður sem stuðla að heilbrigðum lifnaðarháttum, heilsu og vellíðan allra íbúa og verið er að innleiða Barnasáttmála Sameinuðu þjóðanna í alla stjórnsýslu og starfsemi í gegnum verkefnið Barnvæn sveitarfélög. Þá er leitast við að láta alla stefnumótun taka mið af heimsmarkmiðum Sameinuðu þjóðanna um sjálfbæra þróun. Markmiðin eru samofin og samverkandi en mikil tenging er við menntastefnu, þá sérstaklega markmið um menntun fyrir alla, markmið um heilsu og vellíðan.

Menntastefna Garðabæjar er nú í umsagnarferli á samráðsgátt. Íbúar, foreldrar, kennarar, börn, unglingar og aðrir áhugasamir eru hvattir til að senda inn ábendingu um stefnuna. Hér eru flokkar sem eru listaðir upp í samráðsgáttinni:

  • Farsæld og framsækni
  • Samstarf
  • Fjölbreytileiki
  • Lýðræði og skólabragur
  • Leikskólar
  • Grunnskólar
  • Tónlistarskóli
  • Skólaþjónusta

Einnig er hægt að senda ábendingu á netfangið gardabaer@gardabaer.is.

SAMRÁÐSGÁTT vegna menntastefnu Garðabæjar