Félagsleg heimaþjónusta

Kost á félagslegri heimaþjónustu eiga þeir sem ekki geta hjálparlaust séð um heimilishald og persónulega umhirðu vegna skertrar getu

Kost á félagslegri heimaþjónustu eiga þeir sem ekki geta hjálparlaust séð um heimilishald og persónulega umhirðu vegna skertrar getu s.s. vegna fjölskylduaðstæðna, álags, veikinda, barnsburðar eða fötlunar.

Réttur til heimaþjónustu er bundinn því skilyrði að fyrir liggi einstaklingsbundið mat á þörf fyrir þjónustu. 
Sækja þarf skriflega um félagslega heimaþjónustu og skulu fylgja umsókn viðeigandi upplýsingar ásamt læknisvottorði ef við á. Sjá umsóknareyðublað hér að neðan. 
Eftir að umsókn hefur borist félagslegri heimaþjónustu hefur starfsfólk samband og ákveður heimsókn til að meta í samráði við umsækjanda þörfina fyrir þjónustu. Þegar mat liggur fyrir fær umsækjandi upplýsingar um hvort og þá hvaða þjónusta er samþykkt í samræmi við niðurstöður á mati. Í framhaldinu er gengið frá þjónustusamningi þar sem nánar er tilekið hvaða verkefni starfsmaður skuli inna af hendi.

Staðsetning, síma- og viðtalstímar

Félagsleg heimaþjónusta
Ísafold - þjónustumiðstöð, 1. hæð
Strikið 3
210 Garðabær 

Aðalnúmer öldrunar- og heimaþjónustu: 512 1500

Símatímar alla virka daga: 
Kl. 8:00 - 10:00
Kl. 13:00 - 14:00

Opnir viðtalstímar hjá ráðgjöfum félagslegrar heimaþjónustu alla virka daga: 
Kl. 13:00 - 16:00

Ekki þarf að panta tíma fyrirfram.

Viðtalstímar þroskaþjálfa vegna liðveislu: 
Þriðjudaga kl. 8:00 - 16:00  
Miðvikudaga kl. 12:00 - 16:00 
Fimmtudaga kl. 8:00 - 16:00

Nánari upplýsingar:

Margrét Hjaltested, félagsráðgjafi, forstöðumaður félagslegrar heimaþjónustu
Ísafold - þjónustumiðstöð
Sími: 512 1551  
Netfang: margrethj@gardabaer.is

Hjörtfríður Guðlaugsdóttir, yfirþroskaþjálfi, liðveisla
Ísafold - þjónustumiðstöð 
Sími: 512 1552 
hjortfridurgu@gardabaer.is 
 

Umsókn um félagslega heimaþjónustu.
Rafræn umsókn um félagslega heimaþjónustu
Gjaldskrá heimaþjónustu.
Reglur um heimaþjónustu.

Matarþjónusta

Hægt er að fá mat í hádeginu virka daga í Jónshúsi. Matinn þarf að panta með dags fyrirvara. Upplýsingar eru veittar í síma 512-1502 eða 617-1502. Gjald fyrir máltíð er kr. 950,- 

Eldri borgarar eiga einnig kost á að fá heimsendan mat frá Hjúkrunarheimilinu Ísafold og er maturinn keyrður út í matarbökkum. Þeim sem vilja nota sér þjónustuna er bent á að hafa samband við eldhús Ísafoldar í síma 535-2218. 
Gjald fyrir heimsenda máltíð er kr. 928,- og heimsendingarkostnaður er kr. 187,- Samtals kr. 1.115,-